قبل ماوصل للميدان
شوفت ست عجوزه وقفه
ف الطبور علشان رغيف
وم الزحام
وقعت على حرف الرصيف
ماتت !!
شوفت أُم
تلاتين سنه
قاعده بتبكى على إبنها
كسرو البيبان
وخدوه !!
وعايزه تعرف
هما فين
ودوه ؟!
وحلمها
تشوفُه
تسمعُه
تحضنه
وتموت
مش حلمنا
على بطننا والقوت
شوفت واحده ..
جوزها مات
ساب لها
اربع بنات
والبيت إيجار
ومافيش معاش
غير معاش التأمينات
قبل ماوصل للميدان
شوفت ف كامين
سواق
كان هيسجد للأمين
البوكس .. حمل كام برئ
بس ساب المجرمين
اللي حط ف إيدُه خمسه
أو بريزه
الظابط
كان يشترى
بخمسه جنيه
لحمه
سمك
فراخ
خضار
وفكهه
ويفيض
يدوب ألفين
اللي دخل الشرطه رشوه
اللي باع فدان
ياريتُه
يرضا بفدانين
قبل ماوصل للميدان
شوفت طفله صغيره
أربع سنين
وقفه تشحت !!
بس غير الشحاتين !!
وبردو ليه الشحاتين .. دُل ماوجودين !!
واقفين نزاهه
ولّا زهقو من الفرح
فبيصرخو ميت ألف أها
بس طفله صغيره أربع سنين !!
الحروف ف لسانها وقعه
لَغْته ف حرف السين
باديها خمسه جنيه
معرفتهاش !!
عايزه تاكُل
أكلتها
بستني على خدى
فسألتها
هو انتى مين ؟!
اسمك ايه ؟!
سكنه فين
إسمى جهاد !!
سكنه هنا !!
سكنه هنا إزاى !!
سألت سكان المدينه عنها .. خايفين !!
الطفله ضمانى قوى
وكأنها
محرومه من ضمة إيدين !!
ف ظهرى واحد
قال لى اسمع
بابص لُه
ماتبص ليش !!
فكرتُه مخبر أمن دوله
أو مساد
لتنين
عمله واحده
ف البلدى للفساد
فجأه قال
البنت دى
أبوها جوه المعتقل
علشان أمين
والأُم ماتت ..ف الولاده
بس من ضرب البياده
والحكومه منبها
اللي يساعده
هيسجنوه
بصيت لها
فلقيت دموع
خايفه ابعد زيهم
فتعود تجوع
فتكابد الليل الحزين
الطفله دى
مصر اللي محتاجه الّحنين
