لا تلوموني ...إن جيتكم في يوم ...
وقلت أبي أنهي حياتي ...آه يا عذابي...
وينها حياتي؟؟راحت مع حياتي واهاتي ....
سرقت فرحتي ...وابتسامتي ....
حاولت أعيش في هالدنيا بدون جراح ...حاولت أتناسى اللي راح ...
لكني لقيت انه الآه تغلغلت بعروقي....!!
ودي أصرخ ...بأعلى صوتي ....نفسي أشوفها قبل لا أموت ...
ودي أضمها ...رغم كل الألم ...وكل الأحزان ....
نفسي اطبع راحة ايديني على خدودها .....
وأقولها ...هذا جسمي ....يالله كفنيه بيديك ...
شيليه بين أضلاعك ....وافرحي .....
حققتي غايتك ....وذبحتيني....!!
لا تلوموني أن جيتكم باكر ...وعطيتكم وردة ذابلة ...وغنيت لكم اغنيه
وقلت خلوها أمانة تراها لمعشوقتي....
تبقى ذكرى بقلبي لحبيبتي راحت ..وبدون وداع
....يمكن هالوردة تطفي الجراح ....
.... ويمكن هالاغنيه تنسيكم الالم...
شوفوا !!
هذي دموعي ...وهذا دمي ...
وذا حبري بدا ينزف من كثر ما عبر عن أوجاعي .......
يا ناس يا عالم ياهلي وشفيكم؟؟
أبي أعيش لوحدي ....
من غير ونيس ولا رفيق !!
خلاص اليوم طاحت كل الأقنعة ...وانكشف الستار !!
.يالله يا قلبي سرينا ....وش اللي يخلينا نغني جروحنا واحزاننا ....
يالله نداوي أنا وياك طعم الهزيمة...
وخلي الحبيبه اللي راحت صورة في برواز...
انشالت وسط الحشا ....عشان لا يشوفوها الناس ....
ويقولوا هذا اللي غدر ....هذا اللي وعد وما وفى ...
أنا والله ماشلت صورتك عشان حب قديم ...
ولا عشق نديم ....أنا شلتها عشان لا يقولوا الناس
انها هذي اللي ضيعت دروبه معاها وراحت ....وراح العمر معاها....
لا تلوموني ....لو كتبت في يوم قصة عذابي ...
تراني خطيتها بدموعي ....عشان تكون عظة لغيري من البشر ...
ما ودي اسمع صرخة طالعة من بين الأضلاع ....
ولا ودي أكتوي بتنهيدة حارقة من أي إنسان ....
لكن ودي أموت بحسرتي ....
عشان لاتشوفوا الندم بعيوني وتقولوا ياما قلنا ويا ما حكينا
إنه الحب ...هو أكبر عذاب ...
معاه تذوق الشهد والمر....
معاه تموت من الألم ...والفرح
آه ليتني سمعت ...ليتني وعيت ....
بس وش أسوي ...نبضي كان معلق بنبضها
...دقاتي كانت تنادي بأسمها ..أحبها أحبها ....بس وين هالحبيبه؟؟؟؟
يا خسارة ..راحت لدنيتها ...وخلتني أرسم جروحي ...
لا تلوموني ...ليش اني طبعت وصيتي ...
.ومعاها عطيت للكون كله سري ..
لاني خلاص قفلت كل أوراق حياتي .....
خلاص أنا بنتهي ...
راح أموت قلبي ...
ومعاها شراييني ....وياليت أقدر أبتر معاها أحاسيسي ......
