اخر حفلات الراحل الموسيقار محمد وردى

انتقل الى رحمه لله اواخر الشهر الماضى
عن عمرا يناهز 79 عاما

الكلمات للشاعر اسحاق الحلنقى
والالحان والغناء للراحل وردى

اقابلك في زمن ماشي
وزمن جاي و زمن لسه
اشوف الماضي فيك باكر
اريت باكر يكون هسه

***
و قصر طول مشاويرنا
ورقش بالفرح جلسة
على النيل والقمر
مرات يبين في الموج ويدسه
ونحن نقابلو
زي طفلين كلامم كلو بالهمسة
وزي عصفورة قلبها دابو
حنة وبالولف حسّ

***
اي عيون بتتقابل
الا عنيك ما بتتفات
في عنيك بتوه
كيفن حلاوة البسمة في القاسيات
وعطر الصندل المستني
يفرح بيك فرحتو جات
وحاتك خلي منو شوية
عشان يتكاحلن منو السمحات

***
بلاك النجمة لا بتتعلا
لا بتتدلاّ فوقه هلال
عليك الريده طلي علينا
يالختينا فيك آمال
تجينا فرح ترفرفي فوقنا
نستناك بالموال
والشوق بيني وبينك انتي
زي ما تقول مطر اهطال