احنا ليه بنصعب الدنيا على بعض ؟

احنا ليه بنصعب الدنيا على بعض ؟
هتقولولى اصلا الدنيا صعبة لوحدها
لكن للاسف بقينا بنصعبها أكتر
ليه قلبنا بقى قاسى على بعض؟؟؟؟؟؟؟
هتقولولى احنا طول عمرنا شعب طيب وحنين ومفيش زينا فى الدنيا

لما تعطل طريق بسبب مطلب شخصى ليك وممكن بسببك واحد يموت فى عربية اسعاف هنتقله المستشفى
يبقى مش بتصعب الدنيا على غيرك؟؟؟؟؟؟؟

لما تحرق بيت حد عايش فيه حتى لو من غير دينك أو منشأة بيشتغل فيها ناس
يبقى مش قلبك قاسى على بلدك وأهلك والناس اللى من دمك ؟؟؟؟؟؟؟

لما
تشوف حد محتاج مساعدة وتقول لا انا مش فاضى ورايا حاجات أهم وتسيبه لوحده
يبقى كدة الدنيا هى اللى قاسية عليه ودى مش مشكلتك؟؟؟؟؟

هو احنا بقينا عايشين بمبدأ أنا ومن بعدى الطوفان
والمثل يقولك
ان جالك الطوفان حط ولدك تحت رجليك

يااااااااه معقول للدرجة دى
هى دى الثقافة اللى بنتربى عليها
هى دى المبادىء اللى عايشين بيها

انا وبس مش مشكلتى حد تانى

راحت فين الشهامة والجدعنة والاخلاق والأصول؟؟؟؟؟
راحت فين أنا جنبك هاخد بايدك وهساعدك؟؟؟؟؟؟
راح فين الحديث اللى كلنا حافظينه (الله فى عون العبد مادام العبد فى عون أخيه)

يا ترى العيب فينا ولا فى دنيتنا؟؟؟؟؟؟؟؟؟
طيب الدنيا ومعروفة وربنا مفهمنا انها دار شقاء وابتلاء وجروح وكل ده
طيب انت بقى يا انسان يا مسلم ياللى خلقت علشان
تعبد ربك
تساعد غيرك
ترفق بغيرك

ده نبيك دعا وقال(اللهم من ولى من أمر المسلمين شيئا فرفق بهم فارفق به)

ياالله على الدعوة
مابقيناش محتاجينها خلاص ؟؟؟؟؟
ودى طبعا مش فكرة الولاية والحكم وبس
لما تشوف مريض محتاج مساعدتك يبقى ربنا ولاك أمره
لما تشوف طفل يتيم محتاج حنانك يبقى انت توليت أمره

يا شباب ويا بنات
عايزين نغير اى ثقافة غلط اتربنا عليها
عايزين نبنى أمتنا
نساعد اللى محتاجين لنا
نرفق ببعض شوية
يبقى قلبنا على بعض
لو قابلك حد محتاج مساعدة اوعى تتردد فى مساعدته
لو شفت ان بسبب مصلحتك الشخصية هتعطل حد أو تضايق حد تعالى على نفسك شوية وأخر مصلحتك
مش بقول ننسى نفسنا
لكن نعيش لبعض شوية مش لنفسنا وبس
نساعد غيرنا
نطبطب على بعضنا
نحس بالناس
لعل ابتسامة واحدة تضعها على وجه مسلم تدخل بيها الجنة وتعلى درجاتك
ولعل تقديم غيرك على مصلحتك يكون سبب فى رفقة النبى فى الجنة

اللهم اجعلنا دائما فى عون عبيدك واجعلنا من الرفقاء بهم يا أكرم الأكرمين

احنا ليه بنصعب الدنيا على بعض ؟ 408089_391977540817239_145112728837056_1740260_1999799337_n

احنا ليه بنصعب الدنيا على بعض ؟ 408089_391977540817239_145112728837056_1740260_1999799337_n

اللهم ماسهل الى ماجعلته سهلا وانتا تجعل الحزن اذا شئت سهلا

والله كلامك صح يا تاج لو كل واحد فكر انه يعامل الناس زى ما يحب الناس تعمله
من باب حب لاخيك ما تحب لنفسك هيرجع الخير فى الناس تانى
لكن كل واحد بيفكر فى نفسه وبس
موضوع رائع وطرح مميز كما تعودنا منك
تقبلى تحياتى اختى الغالية

ليه بنصعبها
علشان هناك اشياء كثيره تغلبت على البشر
وهى لم يشغل بالنا سواء مصلحتنا الشخصيه
هناك افراد كثيره جدااااااااااا لايهما الا مصلحتها وتغلبت المصلحه على القيم والمبادى
وممكن تكون مصالح شخصيه فى كل الاتجاهات سياسه مال شركات والخ
فمثلا لايهم احداا القرار السياسى طالما انا فى شانى وبكسب باى طريقه اتفنن فى كيفية الخروج من اى ازمه حتى ولو على حساب الغير
ولو على حساب الوطن ولو على حساب شهامتى ورجولتى
وهناك امثله كثيره
منها مايحدث الان فى مصر
تجدى ان الامن سلبى
ولات امورنا لايهمهم سواء تيسير الامور باى طريقه لايهمهم السلبيات
اصبح القوى ياكل الضعيف لان غاب القانون
غابت الانسانيه غابيت الغايه وتواجدت الوسيله مهما كانت الوسيله
اصبحت القيم فى طى النسيان
من الناس من تجديهم يعطوكى من طرف اللسان حلاوة ويروغوا منكى كما يروغوا الثعلب بضم الباء
عندما يكن لهما مصلحة تجديهم ملائكة رحمه
وبعد انقضاء الحاجه لايعرفون احداااااااااااااااااااااااااااااااااااااااا
المسأله مسألة قيم ومبادى
اين هى الان القيم والمبادىء
زمان كان لوحدثت حرائق فى احدا منازل الجيران تجدى الجميع يتسابق لتقديم المساعده اما الان طالما الحريق بعيد عن منزلى ان شا الله تولع
ده ايه سببه ؟ سببه لانى القيم والمبادى انعدمت
كان من زمن الصغير يحترم الكبير والكبير يرحم الصغير
احنا فى زمن الملزات والشهوات والاموال
اللى معاه يلزمه واللى ممعهش ميلزموش
احنا فى حاجه الى اصلاح نفسى وعقلى
شكرا لكى اختنا تاج معلشى ان كنت اطالت عليكى
شكرا لموضوعك الرائع
تقبلى تحياتى

اللهم ماسهل الى ماجعلته سهلا وانتا تجعل الحزن اذا شئت سهلا
==============================

شكرا اختى تاج على تميزك الدائم والمستمر وادعو الله ان يستمر ومايحرمناش منك ابدا ياست البنات وبالنسبة للتعليق انا مش هاقدر اعلق احلى ولااجمل من تعليق كبيرنا رسلان وحبيبنا محمد
وشكرا للجميع وربنا يديم المحبة بينا يارب

احنا ليه بنصعب الدنيا على بعض ؟ 384347

===============

» فيلم احنا اتقابلنا قبل كدة للتحميل , تحميل فيلم احنا اتقابلنا قبل كده
» احنا مين
» احنا ما بنبالغش
» هو احنا ليه بقينا ملطشه
» علمونا و احنا صغيرين