أبيات شعرية منتقاة

عشب الربيع مهما اندهس
بالقدم
أو انتنى في الريح
بيشب تاني لفوق
يغني للخضره وطعم الألم

الابنودى

عدّى النهار .. و المغربية جايّة

تتخفّى ورا ضهر الشجر

و عشان نتوه في السكة

شالِت من ليالينا القمر

و بلدنا ع الترعة بتغسل شعرها

جانا نهار مقدرش يدفع مهرها

يا هل ترى الليل الحزين

أبو النجوم الدبلانين

أبو الغناوي المجروحين

يقدر ينسّيها الصباح

عبد الرحمن الابنودي

يا اغلى اسم فى الوجود .. يامصر

يا اسم مخلوق للخلود .. يامصر

نعيش لمصر .. و نموت لمصر

مصر .. مصر ..تحيا مصر

إذا دارت بنا الدنيا وخانتنا أمانينا ---
وأحرقنا قصائدَنا وأسكتنا أغانينا...
ولم نعرف لنا بيتا من الأحزان يؤوينا ---
وصار العمر أشلاء ودمّر كلّ مافينا ...
وصار عبيرنا كأسا محطّمةً بأيدينا ---
سيبقى الحب واحَتنا إذا ضاقت ليالينا

فاروق جويدة

أنا شاب لكن عمري ألف عام
وحيد لكن بين ضلوعي زحام
خايف ولكن خوفي مني أنا
أخرس ولكن قلبي مليان كلام
عجبي

صلاح جاهين

ليه يا حبيبتي ما بيننا دايما سفر
ده البعد ذنب كبير لا يغتفر
ليه يا حبيبتي ما بيننا دايما بحور
أعدي بحر ألاقي غيره اتحفر
عجبي !!!

صلاح جاهين

شاف الطبيب جرحي وصف له الأمل
وعطاني منه مقام يا دوب ما اندمل
مجروح جديد يا طبيب وجرحي لهيب
ودواك فرغ مني .... و إيه العمل
عجبي !!!

صلاح جاهين

يا باب يامقفول أمتى الدخول

صبرت ياما و اللي يصبر ينول

دقيت سنين ... و الرد يرجع لي : مين ؟

لو كنت عارف مين أنا كنت أقول

عجبي !!!

وقفت بين شطين علي قنطــــــــــــــــــرة

الكدب فين و الصدق فيـــــــــــن يا تري

محتار ح اموت .. الحوت خرج لي وقالي

هو الكلام يتقــــــــــــاس بالمســـــــــــطرة

عجبي

رباعيات جاهين

خُـذِ القَنَاعَـةَ مِـنْ دُنْيَـاك وارْضَ بِهـا
لَــوْ لــم يَـكُـنْ لَــكَ إِلا رَاحَــةُ الـبَـدَنِ

يَـا زَارِعَ الخَيْـرِ تحـصُـدْ بَـعْـدَهُ ثَـمَـراً
يَا زَارِعَ الشَّرِّ مَوْقُوفٌ عَلَـى الوَهَـنِ

يَا نَفْسُ كُفِّي عَنِ العِصْيانِ واكْتَسِبِي
فِـعـلاً جـمـيـلاً لَــعَــلَّ اللهَ يَـرحَـمُـنـي

» نص القصيدة التي اقتبس منها مبارك أبيات الشعر فى المحكمة
» الوصية ((قصيدة شعرية))
» أم كلثوم نزار قباني أجمل مقاطع شعرية غنائية
» أبيات رابعة العدوية.. في الحب الإلهي
» من عيون الشعر العربي أبيات (مرصَّعة) للخنساء