وطنا البإسمك كتبنا ورطنا

وطنا البإسمك كتبنا ورطنا
أحبك ..
أحبك مكانك صميم الفؤاد
وباسمك أغنى..
تغنى السواقي
خيوط الطواقى
سلام التلاقى
ودموع الفراق
واحبك ملاذ
وناسك عزاز
أحبك حقيقة..
وأحبك مجاز
وأحبك بتضحك
وأحبك عبوس
بعزة جبالك ترك الشموس
وما بين ظلالك
أفتش وأكوس
أفتش طفولتي وملامح صباي
بناتك عيونن صفاهن سماى
وهيبة رجالك بتسند قفاي
أحبك بتضحك
واحبك عبوس
صحى بتملا عينى..
وتشّرف غناى

بحضرة جلالك..
يطيب الجلوس
مهذب أمامك يكون الكلام
لأنك محنك
عميق الدروس
مجيد المهابة
مديد القوام
شبابك تشابك
شديد الزحام
أراهم وراهم غبار الحياه
مداين تعاين
كأمّ العروس
تهلل تكلل جبين الإمام
رزازاً يبلل أغانى الخليل

أصدق كلامك حقيقة وبخاف
أخاف الطريق اللي ما بودي ليك
وأعاف الصديق اللي ما بهم بيك
معاك انتظاري ولو بالكفاف
وعنك بعيداً أبيت الرحيل
وبيك اعتزاز الصباح الجميل
جميع الأغاني اتكالن عليك
جميع الأغاني اتكالن عليك

محجوب شريف

الله عليك يا هيثم
تسلم ايدك يا نجم

رائع اخى هيثم
منتهى الرقه والشاعريه

» كن لي وطنا
» وطنا......لمحمد وردى