دا بــيــفــرح .. ودا بــيــفــرح .. ودا بــيــفــرح
:)
... دا بيعمل فرحو في فندق 7 نجوم وبيفرح
ودا بيعمله في فندق من غير نجوم وبيفرح
ودا بيكتبك الكتاب وياخد عروسته ويروح وبيفرح
:)
دا بيعمل 2 اوبن بوفيه وبيفرح
ودا بيعمل اوبن بوفيه واحد يادوبك مقضي الماعزيم وبيفرح
ودا بيعمل طبق فيه حتتين جاتو وازازة حاجة ساقعة وبيفرح
:)
دا بيودي بنته للكوافير قبل فرحها بأسبوع ماسكات والذي منه وبيفرح
ودا بيديها تروح في نفس اليوم تزبط نفسها وبيفرح
ودا معهوش بعد الجهاز مصاريف تانية فتمكيج نفسها في البيت وبيفرح
:)
ودا بيشتري طقم العيد لابنه بـ 1000 جنية وبيفرح
ودا بيشتريله بـ 500 جنية وبيفرح
ودا بيشتريله الطقم 175 جنية وممكن اقل وبيفرح
:)
ودا معاه بي ام احدث موديل وبيفرح
ودا معاه افيو وبيفرح
ودا بيركب مواصلات وزحمة وفوق بعض وبيفرح
:)
ودا بيرجع من الشغل مراته طبخاله ديك رومي وبيفرح
ودا بيرجع يلاقي صنية بطاطس بالفراخ وبيفرح
ودا بيرجع يلاقي مراته طبخاله مسقعة ياكل ويحمد ربنا ويقول مسطورة وبيفرح
:)
الفرحة شئ جمييييييييل في القلب مش في الأيد ولا في العين
الفرحة سعاااادة اساسها رضا وقناعة
عيش حياتك بكل مافيها وافرح
افرح باللي رزقك بيه ربنا
سواء كنت غني ولا ميسور الحال ولا فقير
احـمـد ربـنــا وافــرح
دا بــيــفــرح .. ودا بــيــفــرح .. ودا بــيــفــرح
^_^
