بسحروكــــــــــ
في بنات الجيل بشوف حسنك فريد
فيك قوام زي الغصن وكتين يميل
والجمال الفاتن الفات الحدود
ربنا يغطيه من عين الحسود
والله خايف في مشيتك بسحروك
بسحروك يالسمحه لو شافو الخدود
ولا شافوا الاعين المكحوله سود
خوفي بس يا سمحه ماتصيبك عيون
بسحروك في البسمه لو شافو السنون
و السمار الباقي ليك ياحلوه لون
و الدلال والروقه والنغمه الحنون
ياشبيه الحور بخاف مايسحروك
بسحروك يالسمحه لو شافو الخدود
ولا شافوا الاعين المكحوله سود
العجيب كل البنات منك تغير
شافن الجسم اللطيف زي الحرير
والغزال حاسدك عشان فيكي الضمير
والهلال من نور جبينك يستعير
بسحروك الناس عشان ما بشبهوك
بسحروك يالسمحه لو شافو الخدود
و لا شافوا الاعين المكحوله سود
