احنا شباب حبينا تراب بلدنا ضحينا باروحنا علشنكم علشان اخويا يعيش كويس وابويا يلاقى ياكل اخواتى ضحينا باروحنا علشان محدش يظلم حد تانى وماحدش ياكل حق حد تانى كنا مفكرين ان احنا لما نموت علشانكم حتخدوا بتارنا كنا مفكرين انكم هتحسبوا اللى قتلنا واحنا لسه فى عز شبابنا كنا مفكرين انكم هتتغيروا هتحبوا بعض وتخافوا على بعض وتحموا بعض كنا مفكرين ان احنا موتنا علشان البلد دى تتصلح وتبقى كويسة وتبقى احسن بلد فى الدنيا بالفعل مش بالكلام ودى اسمائنا يمكن تفكركم ان فى ناس ماتت وضحت علشانكم .
الشهيد / مصطفى الصاوى ( طلق نارى بالصدر والرقبة )
الشهيد / حسين طه 19 سنة طالب بكلية الحقوق
الشهيد / عماد محمد حسين 23 سنة
الشهيد / احمد ايهاب 25 سنة مهندس تزوج قبل الثورة بشهرين
الشهيد / محمد عبد المنعم حسين 20 سنة
وغيرنا كتير اوى ضحينا بنفسنا علشان تتغيروا
تقدروا تقولولنا فات قد ايه على الثورة احنا نقولكم فات 8 شهور على الثورة وعلى تضحيتنا بس للاسف
لسه انتم زى ما انتم ولسه البلد زى ما هيا الحرامية بيحموا الحرامية وسيبين البلطجية ينهبوا الناس لسه بردة فى ناس مش خايفة على البلد دى ومش عايزاها تتقدم ولو خطوة واحدة
انتم نسيتونا خلاص مش فاكرنا غير اللى هيموتوا بحصرتهم علينا امهاتنا وابهاتنا واخوتنا كنا فاكرين انكم اهلنا بس للاسف ما طلعتوش كده ياترى يلى بتقول اسف ياريس لو اخوك او ابنك كان مات معانا كنت هتقول برده اسف ياريس ولا هتقول ربنا ينتقم منك ياريس
دمنا فى رقبتكم ليوم الدين ولازم تاخدوا بترنا وتارنا مش صعب حكموا اللى قتلونا اتغيروا للاحسن خافوا على البلد دى حبوا بعض خافو على بعض اشتغلوا انتجوا ارفعوا راس مصر فوق احنا ضحينا علشان بلدنا وانتم كمان لازم تضحوا اللى بيعمل اضراب عن العمل ليه كده عايز تدمر مصر لما انت تاخد وده ياخد وده ياخد ومصر مش ناقصة صدقنا لو اخد النهاردة مش هتلاقى بكرة تاكل انتم بتقطعوا فى مصر
ياريت تتغيروا قبل فوات الاوان
دى رسلتنا ليكم ياريت تنفذوها
الامضاء :
شهداء 25 يناير
