سيرة الحب .......لام كلثوم

طول عمرى باخاف من الحب
وسيرة الحب وظلم الحب لكل أصحابه

وأعرف حكايات مليانه آهات ودموع وأنين
والعاشقين دابوا ما تابوا

طول عمرى بأقول لا أنا قد الشوق
وليالى الشوق ولا قلبى قد عذابه

وقابلتك انت لقيتك بتغير كل حياتى

ما أعرفش إزاى حبيتك
ما أعرفش إزاى ياحياتى

من همسة حب لقيتنى باحب
وأدوب فى الحب وصبح وليل على بابه

****

فات من عمرى سنين وسنين
شفت كتير و قليل عاشقين

اللى بيشكى حاله لحاله
واللى بيبكى على مواله

أهل الحب صحيح مساكين

ياما الحب نده على قلبى
ما ردش قلبى جواب

ياما الشوق حاول يحايلنى
واقول له روح يا عذاب

ياما عيون شاغلونى
لكن ولا شغلونى

إلا عيونك انت
دول بس اللى خدونى
وبحبك أمرونى

أمرونى احب لقيتنى باحب
وأدوب فى الحب
وصبح وليل على بابه

****

ياللى ظلمتوا الحب
وقلتوا وعدتوا عليه
قلتوا عليه مش عارف إيه

العيب فيكم يا فى حبايبكم
أما الحب ياروحى عليه

فى الدنيا ما فيش أبدا
أبدا أحلى من الحب

نتعب نغلب
نشتكى منه لكن بنحب

ياسلام ع القلب وتنهيده
فى وصال وفراق

وشموع الشوق لما يقيدوا
ليل المشتاق

يا سلام ع الدنيا وحلاوتها
فى عين العشاق

أنا خدنى الحب لقيتنى باحب
وأدوب فى الحب وصبح وليل على بابه

****

يا اللى مليت بالحب حياتى
أهدى حياتى إليك

روحى..قلبى..عقلى..
حبى كلّى ملك ايديك

صوتك..نظراتك..
همساتك شىء مش معقول

شىء خللى الدنيا زهور
على طول وشموع على طول

الله ياحبيبى على حبك وهنايا معاك
الله يا حبيبى يا حبيبى الله الله

ولا دمعة عين جرحت قلبى ولا قولة آه

ما بقولش فى حبك غير الله الله
يا حبيبى على حبك الله الله

من كتر الحب لقيتنى باحب
وأدوب فى الحب وصبح وليل على بابه


عبد الوهاب محمد
لام كلثوم
لحن بليغ حمدى

يا سلام هو ده الشعر اللي يغذي الروح
تسلم الايادي اساذي واخي الاكبر
صباحك ورد

اولا حمدلله على السلامه
فينك.........اشكرك
شويه مصرى نتذكر الكلمات الرائعه
التى لن تعوض شعرا والحان واداء
لعظماء الغناء لن يجود الزمن بمثلهم
تحياتى لكى الاخت العزيزة بريق
ام عمر

طبع روعه مافيش كلام

بس الكلمات اخى ربيع للاستاذ مرسي جميل عزيز

ارجوا التعديل

سندريلا كتب:

طبع روعه مافيش كلام

بس الكلمات اخى ربيع للاستاذ مرسي جميل عزيز

ارجوا التعديل

اهلا بالسندريلا
شكرا للتصحيح واعتذرعن الخلط بين الشاعرين البرين
بس للاسف لا استطيع التعديل فى هذا القسم تصوروووووووووووووووووووووا
ليه مااعرفش؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اجمل مقطع فى الاغنيه بأموت فيه

يا اللى مليت بالحب حياتى
أهدى حياتى إليك

روحى..قلبى..عقلى..
حبى كلّى ملك ايديك




والمقطع اللى مش عاجبنى فى الاغنيه



ياللى ظلمتوا الحب
وقلتوا وعدتوا عليه
قلتوا عليه مش عارف إيه

العيب فيكم يا فى حبايبكم
أما الحب ياروحى عليه

الاستاذه حنان
خطوة عزيزة فينك مختفيه فين من ساعه الاشراف
قل تواجدك.
بالعكس فيه كتير بظلموا الحب وفعلا يكو العيب فى الانسان
وانانيته وحب السيطرة على الاخر هو الذى يفسد العلاقه

حرام عليك ياعمى ربيع

دوبتنى معاك

ام كلثوم ام كلثوم دى بتعتنا كلنا

رحمة الله عليها وعلى ايامها

حبوا يكرموها هدموا قصرها شفت التكريم بتاع مبارك واعوانه

شكرا عمى ربيع

باهواك واتمنى لو انساك وانسى روحى واياك

شكؤرا يا روح المنتدى وعبيره

تقبل تحياتى

فيلا ام كلثوم وغيرها
وقصر عابدين نهبت كل مافيها من عصر الملك
ووضعت بدلا منها نماذج مزيفه.
واكفى على الخبر ماجور زى ما بيقولوا فى الصعيد
عندنا.
مجموع الاراضى الموزعه على محاسيبه تساوى مساحه
الكويت والبحرين ولبنان تصور

لوهندور هنلاقى كتير تحت المجور

وما تحت الماجور اعظم

ياعمونا

تقبل تحياتى