أعذريني الدمعة ديا حتبقى اخر دمعة ليا
تاني لو قربت منك يبقى ليك الحق عليا
أعذريني محال أعاود تاني ريدتك وأمشي ليها
ولاّ أغرق في عيونك والطفولة الضاجة فيها
ليه أريدك وإنتي أصلك ريدتي ماحسيتي بيها
بالبعاد ماتعذبيني أعذريني وأعذريني
أنا ماقدرت لو مرة واحدة بالغلط أغلط عليك
وإنت عمرك كلو ظالمة والدليل غفراني ليك
عارفو قلبك مامعايا برضي شاغل قلبي بيك
بالحنان ماتعشميني أعذريني وأعذريني
من زمان وأنا راجي منك كلمة بيها تفرحيني
وإنتي مافرحتي قلبي وكنتي ديمة تجرحيني
قسمة الزول مابتفوتو والبيجيني معاك يجيني
لوبكت منك عيوني سامحيها.. وأعذريني
أعذريني الدمعة ديا حتبقى آخر دمعة ليا
تاني لو قربت منك يبقى ليك الحق عليا
للشاعر المبدع
اسحاق الحلنقى
