الجنس : عدد المساهمات : 1678نقاط : 3634 تاريخ التسجيل : 03/08/2011
موضوع: أنــــا مسافرة الصــــومال .. ميــن تيجي معايــا ؟؟ الجمعة أغسطس 19, 2011 12:06 pm
لو عرضت عليك ِ تذكرة سفر للصومال
هتقدري تسافري معايا ؟؟
يا ترى هنقدر نسيب النعم اللي حوالينا في كل مكان ... ونروح الصومال
*** ولا هتقولي .. قوامي الرشيق المتناسق هيبقى هيكل عظمي .. !! ----- وشي الجميل .. هيتشقق وينشف و يتقرح !! ---- الأكل اللذيذ اللي بحبه و باكله كل يوم مش هلاقيه .. !! ---- المية اللي بتروي عطشي في عز الحر .. مش هلاقيهاا ..!! مش هقدر أستحمل مناظر الجثث اللي بقت عادي بالنسبة ليهم !! يـــــــــــــــــــــااااااااااااااه
شفتوا النعم اللي ربنا مديهالنا
و احنا مش حاسيين .. فاكرينها حق مكتسب لينا
ونسينا إن كل دة ممكن يروح في لحظة
شفتوا قدرة ربنااااا سبحانه وتعالى
كل النعم دي .. ممكن في لحظة يحرمنا منها
تخيلوا إن في الصومال من شدة العطش والجوع الخلايا بتجف وتتقرح لدرجة إن ممكن لو الأكل أدامهم ميقدروش ياكلوه
شفتوا الوجوه اللي تقرحت من شدة الجفاف ؟؟!!
شفتوا درجة الوهن والضعف اللي وصلوا ليها .. لدرجة إن في ناس مش قادرة بس ترفع إيديها !! شفتوا جسمنا ممكن يبقى عامل إزاي لو ربنا أمر إننا منلاقيش الأكل والشرب
۞وإن تعدوا نعمة الله لا تحصوها إن الإنسان لظلوم كفار۞صدق الله العظيم
لو صحينا في يوم ولقينا نفسنا زي الصومال
تفتكروا هنقدر نمنع عن نفسنا الضُــــــر !!
لما شوفت الصور دي
حسيت بجد أد إيه أنا ضئيلة أوووي
و أد إيه ربنا رحيم بينا .. نعمه مغرقانا
وإحنا ناسيين ..
عمري ما فكرت إن ممكن أصحى في يوم ملاقيش ولا نقطة مية ولا حتة عيش آكلها .. !!
بل بالعكس
لو لقيت المية ضعيفة ولا اتقطعت يوم ولا حاجة بيبقى مش عاجبني و أقعد أشكي وأبكي
ولو في يوم مطبخناش بقعد أعاتبهم و أحسسهم بالذنب !!
سبحــــــــــان الله العظيــــــــم
أد إيه إحنا مقصرين أوووي في حق ربنا
تخيلي إنك لما تشربي .. في عملية كبيرة بتحصل داخل جسمك علشان تحسي إنك ارتويتي امتصاص الماء _ لازم المرئ يكون طبيعي علشان يقوم بالعملية دي لأن ممكن يحصل ارتجاع في المرئ _ بعدين المعدة تمتص وبعدين الأمعاء وبعدين تجري في الدم لغاية ما توصل للخلايا اللي محتاجة المية بعدين تحصل عملية الري_عن طريق إن المخ يرسل إشارات إن تمت عملية الري _ تخيلوا كل اللي بنعمله نقوم نرفع الكوباية ونشرب وكل اللي بيحصل جوه جسمنا ده علشان نحس إننا ارتوينا _ بإرادة وأمر الله وحده _ ولولا العملية اللي بتحصل دي (داخل الجسم ) وإحنا مش بنحس بيها كنا هنفضل نشرب ومنرتويش سبحـــــان الله العظيـــــم ۞وما قدروا الله حق قدره۞ صدق الله العظيم
=======
عايزين نشوف ونتابع اللي بيحصل في الصومال { وواجبنا ندعيلهم و اللي تقدر تتبرع جزاها الله خيراا ,, وكمان في شيوخ أجازوا نتبرعلهم بزكاة الفطر السنة دي }
عايزين نتفكر ونتدبر قدرة ربنا عز وجل .. من يقول للشئ كن فيكون ( سبحانه وتعالى )
ونحمده ونشكر فضله ( باللسان و بالقلب وبالطاعة والعبادة ) { الحمد لله الذي عافانا مما ابتلى به كثيرا من خلقه وفضلنا على كثير ممن خلق تفضيلا } =============
