علاء فى مكانه الخطأ......

شاهدوا الفيديو وقولوا رأيكم ايه
هو المتهم من الممكن ان يتجول فى ساحة المحكمة هكذا عندما يكون محبوسا
طيب الكلام ده لوداخل المحكمة يبقى الحال ايه فى اللى فى الفيديو ده





والله انا خايف يطلع فى الأخر ان حسنى تنحى عن الرئاسة واشتغل هو وولاده فى التمثيل وقرروا انهم يذيعوا الكواليس لفيلمهم الجديد " مبارك رايح جاى " والله انا خايف تطلع مسلسل وهيتزاع فى رمضان اللى جاى

حسبى الله ونعم الوكيل فيمن يستخف بنا وبعقولنا
لقد قام الشعب لينقذ نفسه من حاكم ظالم ونجحوا فى ذلك فلينتبه كل من تسول له نفسه ان يخدعنا مرة اخرى فشعب مصر كموج البحر انه يتركك تلهو معه لكن ان ظننت انه لن يؤذيك باللعب معه ومحاولة توجيهه الى حيث لا يريد فانه سيكون موج عتيد وسيل عارم يأخذ فى طريقه كل من يستخف به

فكرتنى بكرتون علاء والمصباح
حتى لو مثلوا فيلمهم هيسقط وهنولع فى النجتيف
هما لسه فاكرين ان كل حاجة بتاعتهم بس خلاص بح
بس بجد انا خايف من المحاكمات ربنا يسترها
شكرا على الموضوع الرائع
تقبل مرورى اخى / ايهاب

تعرف الواحد خايف لمبارك ياخد برائه
ويسفروه ومنخدش فيه حاجه
والمجلس العسكري يمسك البلد ويخليها عسكريه

الفيديو مش شغال

لعلمك يا شيخى العزيز

كلها تمثيليات من فريد الديب محامى الفساد والدافع عن فساد مبارك واولاده

ومن الممكن ان لن يصدر عليه اى احكام

هناك محباه واضحه

وتضليل ظاهر من القائمين على شئون البلاد

لو مواطن عادى ضرب اخر وعمل له عاهه مستديمه كان من زمان فى اللومان محبوس واشكرك على الرابط بتاع الفديو

عاشق الكونغ فو كتب:

فكرتنى بكرتون علاء والمصباح
حتى لو مثلوا فيلمهم هيسقط وهنولع فى النجتيف
هما لسه فاكرين ان كل حاجة بتاعتهم بس خلاص بح
بس بجد انا خايف من المحاكمات ربنا يسترها
شكرا على الموضوع الرائع
تقبل مرورى اخى / ايهاب

والله اخى محمد مازلنا نرى بواقى اوكازيون الفساد الماضى
وما نراه من كم المدافعين عن رؤوس الفساد فى محاكمتهم يجعلنى اشعر انه يمثل ضغطا من طريق او اخر على نفسية القاضى والذى نرى عنده رهبة من كم المحامين وثقلهم المعروف عنهم فى المرافعات
ولا اعلم سببا لذلك الا اننى اجد فى نفسى شىء يحدثنى قائلا : هو فيه ايه هو مين فى مصر مش فاسد ، ولا يكون الامر معكوس احنا اللى فاسدين وهما المصلحون هههههههه
يللا اهى مجرد " احاسيس " بس ياريت ميكنش فعلا تمثيلية واحنا المتفرجين وغصب عنا هنتفرج
بس رعلشان ميتحرقش الفيلم تم عدم اذاعة الكواليس وعرض الفيلم عند الانتهاء م تصويره ووضع السيناريو المناسب لكى يصدم المشاهد


حسبى الله ونعم الوكيل فى كل من اراد لمصر وشعبها شرا وسوءا

LOLO& كتب:

تعرف الواحد خايف لمبارك ياخد برائه
ويسفروه ومنخدش فيه حاجه
والمجلس العسكري يمسك البلد ويخليها عسكريه

طبعا اخت /لولو

الموضوع من ناحية ان الحكم يكون عسكرى فهنا الأمر يحتاج للتدقيق والبيان من حيث بأى قانون سيحكم المجلس القانون المدنى ولا العسكرى ولا سيتم دمجهما معا

عموما ده موضوع لا اعتقد انه سيتم العمل به

لكن الخوف كله من ضغوط الدول التى كان يتعامل معها مبارك وله عندها بزنس ان تتدخل بشكل او بأخر ويتم الحكم ببرائته وفعلا نصحى الصبح نلاقى النداه ينادى مبارك اختفى ياولاد الحلال ، وطبعا ساعتها هنسأل ياترى مين ولاد الحلال دول احنا وللا الناس التانيين ياترى مين اللى اختفى من مين مبارك واعوانه هما اللى اختفوا وللا احنا اللى مخفيين
الحقائق لا يعلمها الا الله عز وجل ، لذلك ليس لنا الا ان ندعوا الله ان يظهرها لنا وان يأخذ كل ذى حق حقه

فعلا الحقائق المطبوخة فى دها ليز الفساد



اللة اعلم ها نوصل لفين



شكرا على المووووووووووضوع

رسلان كتب:

لعلمك يا شيخى العزيز

كلها تمثيليات من فريد الديب محامى الفساد والدافع عن فساد مبارك واولاده

ومن الممكن ان لن يصدر عليه اى احكام

هناك محباه واضحه

وتضليل ظاهر من القائمين على شئون البلاد

لو مواطن عادى ضرب اخر وعمل له عاهه مستديمه كان من زمان فى اللومان محبوس واشكرك على الرابط بتاع الفديو

والله شرفتنى بمرورك بصفحتى استاذى الغالى رسلان
وانا اتفق معك انها تمثيلية كبيرة زى المسلسلات التركى كده تبدأ وما تخلصش لكنها هى اللى بتخلص على الواحد

المحامين المدافعين عن الفاسدين هم من اكبر المحامين فى مصر بل هم أفضلهم على الإطلاق وذلك يطرح علامات استفهام كثيرة
فلو قلنا كم سيأخذ محامى منهم لو دافع فى قضية استيلاء على اموال الدولة متهم فيها وزير كبير
وكم سيأخذ اتعابه مقابل الدفاع عن رئيس سابق لأهم دوله عربية
وهل لو ان مبارك برىء ولا يمتلك هذه المليارات فمن أين سيدفع لهم اتعابهم والتى بالتأكيد ستتخطى الملايين

وعموما لنا مثال بسيط الفتاة التى قالت ان مبارك ان اخذ البراءة فان الشعب سيقتص منه بنفسه ، أعتقد ان اسمها / أسماء
مجرد اعلان ما قالته شرفت فى النيابة مجرد ساعات معدوده ، فماذا لو اخذت اموال الشعب كان صدر قرار بشأنها ربما بدون محاكمة اساسا
لكن المجلس العسكرى فطن الى ما سقوله الشعب فافرج عنها فى صورة واضحه تبين مدى التعامل مع المواطنين بصورة ومع الفاسدين بطريقة مميزة وخمسة نجوم
النيابة تنتقل للظروف الصحية ومبارك فى افخر مستشفى بمصر ، لكن ان تبيت فتاة محترمة خارج بيتها ويتم التحقيق معها على الفور ويصدر ضدها قرار بكفالة 20000 الف جنيه تقريبا وكل ده فى لحظات
فأين هى العدالة التى يطمئن لها الشعب

الله لنا ولمصرنا
وحسبى الله ونعم الوكيل

السلطان العاشق كتب:

فعلا الحقائق المطبوخة فى دها ليز الفساد



اللة اعلم ها نوصل لفين



شكرا على المووووووووووضوع

أشكر مرورك استاذ / السلطان العاشق
وربنا يظهر الحقيقة ان شاء الله
فالحق لابد وان يعلو وان يزهق كل الفساد والفاسدين