انت وبختك دانا يا ما شفت كتير السلطان العاشق

أنا شفت الفرق كبير..

فرق كبير ف التعبير..

فرق كبير ف التفسير..

بين اللى بيدى ويوهب..واللى مافكرش كتير..

وبيعرف يرمى ويكدب..فعلا والفرق كبير..

بين قلب وقلب ياقلبى..نور صبح وضلمة ليل..

قلب بيتمنى سعادتك..مش بيهمو غير راحتك..

والقلب التانى انانى..وهوائى وأنت وبختك..

قلب بيخلص ويقول..انى بحبك على طول..

والقلب التانى بيعند..من أبسط حاجه يثور..

قلب حنين وصغير..لا بيغدر ولا يتغير..

وقلب بيتحدانى.. وغرامه عمره قصير..

قلب حنانه مغرقنى..قبل مابزعل يلحقنى..

وقلب مافيش غير هوه.. فى جميع احواله سابقنى..

قلب بيفتح ذراعاته..أنا عنده كل حياته..

وقلب آجى أطمنله.. يقلب ويعود لحالاته..

قلب بينسالى أمبارح..أنا أغلط ييجى يصالح..

وقلب مايعرفش يسامح.. غامض عمره مايتصارح..

قلب بيتمنى رضايا.. وبيفضل تحت سمايا ..

وقلب على العكس معايا.. ويقول ماأقبلش وصايه..

قلب أنا عنده الحب..عنده الأحساس والقرب..

وقلب مابفرقش معاه.. وكأنو ماعندوش قلب..

قلب أنا كده زى عينيه..يتعب لو غبت عليه..

وقلب بيزعل على نفسه..متعود أحوم حواليه..

وخلاص الفرق عرفته..حسيتو لمستو وعيشتو..

كنت بخاف م التغيير..ولقيت الفرق كبير..

بين اللى بيدى ويوهب..واللى مافكرش كتير..

.......
اذا اقتبست كلماتى ووضعتها باى مكان اخر

فضع بجوارها اسمى لانى سوف اتعقبك

عاشق القمر

السلطان العاشق

» يا ترى انت مين السلطان العاشق
» زوقياااااااااااااااااات السلطان العاشق
» سأ ظل أ حبك السلطان العاشق
» كلمات السلطان العاشق
» تغيير الأ لم السلطان العاشق