اوعى تقعد مع جدتك ليلة الامتحان
الله أكبر الله أكبر .. أذان الظهر ..
يارب .. يارب بحق ده الآذان تنجح يا نون ياابن ابني وأشوفك دكتور أد الدنيا -
ياستي بس انا في تجارة -
وماله يابني هو يكتر علي ربنا ....... ده ربنا قادر علي كل شيء -
ياستي ونعم بالله بس اللي بيطلع دكتور لازم يكون في كلية الطب مش التجارة -
ياللا تجارة تجارة ... ومالها التجارة .. دي حتي التجارة شطارة .. ده الله يرحمه جدك كان تاجر في الوكالة أد الدنيا -
ياستي التجارة اللي في الوكالة حاجة واللي في الكلية حاجة تانية -
ع العموم شد حيلك وأنته ... وانا أخلي جدك يخدك معاه الوكالة عشان تتدردح وتتودك في السوق -
جدي إيه اللي هايخدني معاه ...... ده جدي مات من زمان ياستي -
يا مصيبتي عبد الواحد مات .. ياحبيبي يا أخويا .. مكنش يومك ياسبعي -
ياستي ده ميت من تلتين سنة -
تلتين سنة .. ده العمر بيجري ياولاد تصدق ولا حسيت بيهم .... ياللا اهو غار في داهية ..... قطعت وقطعت -سيرته .. ده كان بخل الدنيا فيه .. أن ماعمره دخل عليا ببطيخة ولا كيس جوافة
ياستي حراااام عليكي عايز أذاكر بقي -
يوووه ... وانا ماسكاك
ياوله .. ذاكر ... ذاكر عشان ربنا يكرمك
وتنجح وتاخد الدبلون -
ياستي دبلون ايه .. أسمه البكالوريوس -
أنته هتضحك عليا ياوله .. أسمه الدبلون الواد ابن فايزة جدع زيك كده في مدرسة التجارة وخد الدبلون -
خلاص دبلوم دبلوم ياستي .. سيبيني بقي عشان اذاكر -
ذاكر .. ذاكر يأخويا ذاكر ... تعرف ياواد ... ندرن عليا يوم ماتنجح لأكون رايحة خاطبالك عبير بت رئيسة ..... دي ايه ياواد .. أدب وأخلاق .. وعلام كمان
ياستي عبير دي معاها أعدادية -
- وماله يابني ... الراجل مايعبهوش إلا جيبه
راجل ..... راجل مين ياستي .... عبير دي بنت -
- عبير ..... عبير مين ياوله ..... أنته بتعرف بنات من روانا
لا اله الا الله ...... أبوس رجلك ياستي إرحميني بقه -
- طب ذاكر .... ذاكر جتك نيلة وأنته طالع براوي كده زي أمك ... قطعت وقطعت سيرتها ... أنا مش عارفة أبوك كان أجوزها علي إيه .. حكم .. قال لبس البوصة تبقي عروسة .. بس واللي نبي النبي نبي لكون مبوظة الخطوبة دي ومجوزاه أنيسة بت اختي
- ياستي خطوبة إيه .. أبويا مجوز امي من خمسة وعشرين سنة .. وبعدين أنيسة دي بنت أخوك مش بنت اختك .. واساسا إنتي ملكيش إخوات بنات
صحيح ياوله .. أنته عندك حق أنا مليش إخوات بنات .. أصلي انا أمي ماكنتش بتخلف صبيان -
حرااااااااااااااا ااااااااااااا
اااااااام ............. ستي ماتطلعي البلكونة شوية .. ده الهوا حلو بره -
لأ ياخويا ..... في جدع كده حليوة وشعره مسبسب في البلكونة اللي في الوش بيقعد يعاكسني -
خلاص روحي المطبخ ... أهو زمان أمي خلصت الرز -
رز ... رز إيه يابني ..... هو أنا ليه سنان للمكرونة ..... أنا هطلع البلكونة أحسن -
طب أبقي خلي بالك م الهوي ياستي -
هوي لما يلطشك يابت ياجذمه أنتي -
الحمد لله أخيرا خرجت وقدرت أذاكر ..
رحت الأمتحان تاني يوم وربنا كرمني
وحليت كويس لكن للأسف المراقب سحب مني الورقة
قبل ماأكتب أهم حاجة فيها
ياتري أنا كان إسمي إيه ؟؟؟؟ ياتري كان إسمي إيه ؟؟؟؟
أنا مين انا ليييييييه انا ازاااي
.
.................................................. .....
.................................................. .................................................. ......................
.
واحد بيقول لصاحبة دخلت امبارح على مراتى لقيت معاها راجل..
صاحبة قاله وعملت ايه ؟ قاله دخلت المطبخ وجبت السكينة .....
وشقيت لمونة وعملت عصير علشان اهدى اعصابى ..
قاله ومعملتش حاجة للراجل .. قاله وانا مالى ما يقوم يعمل نفسه
.................................................. .................................................. ..............................
ظابط شرطه خطيبته بتسأله بدلع : ايه الكلمه اللى اولها (ب) واخرها (ك)
بعد تفكير إبتسم كده ورد وقالها
"بطاقتك"
.................................................. .................................................. .......................................
مرة ,واحد عصبى كان بيتكلم مع مراته قال لها انا هقول لك موضوع حصل معاى بس انتى مش هتصدقينى وهتقولى على كداب بس انا مش كداب انتى الكدابة واهلك كدابين روحى وانتى طالق_____________
.................................................. .................................................. .................................................. .
بيسألوا القذافي : ايه تعليقك على الاقاويل اللي بتقول ان نهاية العالم في 2012؟ .
قالهم : كلام فاضي انا عندي علبة تونة هتخلص في 2015
.................................................. .................................................. .................................................. .
الصحفي: وحضرتك إزاي بتعرف إذا كان المريض مجنون فعلا ولا مجرد تعبان نفسيا
الدكتور: بنعمله إختبار البانيو
الصحفي: واللي هو ؟
الدكتور: بنملى البانيو ميّه على آخره ... وندي المريض معلقة وكوباية وجردل ... وبنقوله فضيلنا البانيو ده من الميّة
الصحفي: وطبعا لو استخدم المعلقة أو الكوباية يبقي مجنون لإنه المفروض يستخدم الجردل
الدكتور: مممم ... هو عامة، العاقل حيرمي ده كله ويشيل سدادة البانيو ... تحب اوضتك على الشارع ولا بتبص على الجنينة ؟؟
.................................................. .................................................. .................................................. ...........................
محشش أبوه بيسألوا: إيه أخبار المدرسين معاك إن شاء الله يكونوا مبسوطين منك ؟
.
.
.
.
.........قاله المحشش : لا الحمدالله مبسوطين مني وبيحبوني أووووي
.
قاله الأب : وعرفت أزاي ؟؟؟... قاله المحشش: كل المدرسين بيقولولي أنت بالذات هتقعد معانا للسنة الجاية
.................................................. .................................................. .................................................. .......
كل يوم الولد يرجع من المدرسة يقول لأبوه : بابا أنا أخدت 10
وأبوه يقوله : برافو عليك يا ميشو
وفضل على الحالة دى شهر
......
لحد ما فى يوم رجع قال بابا : أنا أخدت 3
رد ابوه : ليه كده أخص عليك يا ميشو
رد ميشو : ما هو ده اللى لاقيته فى جيبك يا بابا
.................................................. .................................................. .................................
يارب تعجبكم
