طبع الزمن

في عيونا بنشيل الصبر ... كل العمر
بنشيلو ريد وبنشيلو عز
وانت بتجينا بلا ميعاد
تحرق فؤاد عاشق بعز
وتسيبو لي ليل الشجن
اصلو طبعك يازمن
لا راضي انت تغيرو
ولا نحن راضين بالمحن
قدامنا شوق كم زول بكى
قدامنا شوف كم زول تعب
لا مرة ولا يوم اشتكى
ولا قال خلاص صعب الدرب
اهو نحن عارفين الحصل
وبرضه بنقول عاوزين نحب
وبروحنا ماشين للمحن
اصلو طبع يا زمن
شوف ... نحن عارفين
قيس ..شقى
وعارفنو كان تايه وحيد
لاحبو لاريدو اتلقه
ولا في عمره يوم عاش سعيد
طول عمره كان مستنى ليلى
وكان بيحلم بالجديد
اهو هسه مرة الف ليلة
وبرضه بنفكر نريد
مع انو عارفين الثمن
اصله طبعك يا زمن
انا ما بقول يا قلبي اقسى
وخلي للحب الدرب
لكن كمان ما تكون عنيد
وتحب ليك زول ما بحب
معقول بس زول ما بريد
يعصر وراك دم القلب
ساكت تضيع ويروح شبابك
وتفنى في نص الدرب


كلمات الشاعر عز الدين الهلالى
غناء صلاح بن الباديه

يسلمو استاذ ربيع على القصيده الجميله

تسلم ايدك اخى ربيع

نجوى احمد كتب:

يسلمو استاذ ربيع على القصيده الجميله

شكرا للاخت العزيزه نجوىاحمد
لكى كل تحيه وتقدير

كمال النجار كتب:

تسلم ايدك اخى ربيع

تسلم اخى العزيز
كمال باشا
لك كل الاعزاز والتقدير

بنت المجد سوريا كتب:

تعْجَز كَلِمَآتِي عَن الْتَّعْبِيْر عَن رَوْعَة مِآنَثْرته

مِن جَمَال حَرْف هُنَا,,
تَخْشَى أَبْجَدِيَّتِي أَن لاتِفِي حَقِّك بِصَمْت

وَإِعْجَاب لـ سُطُوْر قَلْمُك الْعَذْب

لِرُوْحِك الْوَرْد

شكرا لكلماتك الرقيقه
وسعداء بانضمامك الينا
اتمنى لكى كل الخير