يا راجيانى ومانسيانى

يا راجياني وما ناسياني

ياما الغربة بتتحداني

وانا بتحدى الزمن الجاير

لو في بعدك

يتحداني

لمّ سحابة تلاقي سحابة

وتنزل منها دمعة عشاني

لمّ تلاقي مسافر عايد

تمشي وتسألي عن عنواني

وانا عنواني عيونك انتي

وأي مكان تمشيهو مكاني

يا راجياني وما ناسياني

ياما الغربة بتتحداني

وانا بتحدى الزمن الجاير

لو في بعدك

يتحداني

ياالفرهدتي فرح جواية

أنا جملتك بألواني

أنا علمتك تاخدي المعنى

من إحساسي وتدي معاني

أنا سافرت عشانك انتي

وسبت البلد الما ناسياني

كم حاولت أصارحك ياما

إلا العزة بقت مانعاني

يا راجياني وما ناسياني

ياما الغربة بتتحداني

وانا بتحدى الزمن الجاير

لو في بعدك

يتحداني

إستنيني ولو حاولت تصدي حناني

إستنيني ولو حاولت تصدي حنيني

ياما حتشقي ماظن تلقي

حِنيّن زيي يريدك تاني

ألأيام وانا قربك انتي

مهما تطول محسوبة ثواني

إنتي جمالك ياهو جمالي

وانتي زهورك من ريحاني

الأفراح بعرف ميعادا

وأي زمان تلقيهو زماني

يا راجياني وما ناسياني

ياما الغربة بتتحداني

وانا بتحدى الزمن الجاير

لو في بعدك

يتحدانى


اسحاق الحلنجى

بجد تحفه
حاولت اختار بيت او بيتين واقولك دول اجمل ما فى القصيده
لقيت ان القصيده كلها ابيات جميله جدا
تسلم ايدك اخى ربيع على الاختيار الرائع

زينب كتب:

بجد تحفه
حاولت اختار بيت او بيتين واقولك دول اجمل ما فى القصيده
لقيت ان القصيده كلها ابيات جميله جدا
تسلم ايدك اخى ربيع على الاختيار الرائع

شكرا وتم تنزيل الفيديو للاغنيه لمحمد وردى