عطشان والبحر جنبك
رذاذ الموج يمش قربك
وتشرب منو ما قادر تريح اهة في قلبك
يا عطشان البحر جنبك
عطشان والبحر خطوة وامكن اقل من خطوة
قوم امشيها وكون اقوى وعيش الفرحة والنشوة
بدون صمت البحر والليل حبيبي الدنيا شن تسوى
متين يرويك بحر حبك
يا عطشان البحر جنبك
يجيك الماضي يهدي عليك تعاين ليهو بعينيك
تخاف لو جيت تمد إيديك تبرق نار بتحرق فيك
وقدر ما تشيلها أنفاسك تجيك الموجة تغدر بيك
والأيام تزيد غلبك
يا عطشان البحر جنبك
حرام تقضي العمر عطشان وعينك للبحر رويان
حليلك لما كنت زمان بترسم للفرح ألوان
بقيت بحار قديم تايه وكلامك كلو قلنا وكان
والأشواك ملت دربك
يا عطشان البحر جنبك
بحرك زايدة الأُمو وعيون عشاقو ما نامو
مناك تتبدل أحكامو تقابلك هابة أنسامو
نسيت إنو البحر غدار يشيل في ثانية عوامو
تعيش وحداني ايه ذنبك
يا عطشان البحر جنبك
حمد الريح
