للبنات :ازاى تخلى الولد مننا يموت فيكى

أولا : الولد بيحب البنت الرقيقة
رفعوا صوتكم يا بنات .
و أول ما تشوفى حاجه وحشة .. سورقى (يغمى عليكى) من كتر الرقة
عيطى كتير . العياط دليل على الاحساس المرهف . أوائى له .. نكدى عليه الليلة .

ثانيا الولد بيحب البنت الرومانسية
سبلى له .
اسرحى كتير كلميه عن القمر و حاجات من دى .قوليله شايف القمر يا عتريس
لازم تكونى هيمانه و انتى بتتكلمى . و يكون صوتك واطى .. وشوشة .

ثالثا : الولد بيحب البنت المؤدبه
قولى له انه اول واحد فى حياتك حتى لو كنتى متجوزة قبل كده و حامل فى توأم..
و لو سأل على انتفاخ بطنك قولى له كيس دهنى
و لو عارف و متأكد انه كان لك علاقات كثيرة مثله
:دى كلها اشاعات ده هما اللى كانوا معجبين بيا لكن انا ولا سألت فيهم كلهم

رابعا : الولد بيحب البنت الاستايل style
كل ما تشوفى حاجه جديدة قلديها . يقولوا الموضه الشعر الاصفر .. اضربيه اصفر .. الموضه القصير .. قصريه ..
مش مهم شكلك ايه .. ماتصدقيش اللى تقولك ما تخديش من الموضه الا اللى يناسبك ..
دى بتغير منك و مش عايزاكى تبقى على الموضه .
ملحوظه : لو مش عارفه ايه الموضه اختارى لك واحدة معينة او مذيعة و قلديها .. خليكى نسخة منها .

خامسا :الولد بيحب البنت الدلوعة
ادلعى ياختى انت و هى . ما تبقوش دكر .

سادسا : الولد بيحب البنت الجذابه اللى بتكون محور اهتمام الآخرين
فهميه ان في آخرين كتير معجبين بيكى
و قولى له : ارجوك اوعى تغير انا حواليا كتير .
ولا بيهمنى أبدا منهم ايه يعنى اكون حلوة فى عينهم .
ألفى قصص وهمية عن الأولاد الهيمانين فيكى و اللى انتى مدوخاهم بسحرك و جمالك .

سابعا : الولد بيحب البنت اللى بتحسسه برجولته و تحسسه بنفسه
ايه ده ! .. ايه العضلات دى كلها .. دى احلى عضلات شفتها فى حياتى .
. يا سلام !! ايه الشياكة دى كلها . انت أشيك ولد شفته فى حياتى .
.(مش مهم هو لابس ايه . انبهرى و خلاص ) .
يا سلام !! انت تقاطيع وشك حلوه بشكل ( حتى لو كانت ملخبطه ) و طول مانتى قاعده اشكرى فيه خليه كده قاعد نافش ريشه . و فرحان بنفسه .

ثامنا : اتمحكى فيه ( الزقي له )خليكى دايما معاه
كل شويه كلميه فى التليفون بأى حجة . قابليه فى كل حته يروحها . إعملى عليه كماشة . بحيث مايعرفش يفلفص منك و لا يشوفش غيرك ادامه . روحى له الشغل
اكبسى عليه مع السكرتيره .

تاسعا عددى مواهبك
اكلك لازم مظبوط
قوليله انا ملحى فى الاكل لا كتير ولا قليل وبعمل شاى سكر زياده . وبلون البيض المسلوق .

عاشرا رغم حبك الشديد للحريه والانطلاق
قوليله انت مالك وقتى وتفكيرى مش عارفه اعمل حاجه الا انى افكر فيك
مليت على ايامى شغلت لى الزمن

هي ملاحظات دمها خفيف جدا اشكرك عليها
بس لما الانسان بيكون علي طبيعته بيبقي احسن كتير
ومش مهم حد يحبه ولا يكرهه
مش كده ولا ايه علي رأي (فؤاد المهندس)

لا طبعا
الوحده تبقى على طبيعتها
لا تكبر ولا تملق
عاجبه كده اهلا وسهلا
مش عاجبه
مع الف سلامه

ايوه طبعا
احنا البنات كده زى السكر
مش عايزين لا نتمحك
ولا تنزلل
ومش مشكله الرجاله
هى المفروض اللى تتمحك علشان يقربوا لنا

هههههههههههههههههههههه
جارى التجربه
بس لو حصلى حاجه ذنبى فى رقبتك

متسمعيش كلامها بجد خليكي على طبيعتك

اسمعوا كلامى انا
سيبكم من عمرو
ده مايعرفش مصلحتكم

على فكره انا هقلك على حاجه مهمه اوى فيه حاجات كتيره اوى من الى انتى قولتيها ديه ممكن تضيعى حبيبك من ايديكي

قولها يا عمرو
لحسن هى فاكره نفسها فيلسوفه المنتدى

هههههههههههههههههههههه
طيب كويس انى جيت فى الوقت المناسب للبنات :ازاى تخلى الولد مننا يموت فيكى 938223

انتوا كلم عليا ولا ايه

لا يا عسوله احنا مع الحق cheers

» ازاى تخلى البنات يتفرجوا على الكوره
» ازاى تخلى دقنك ناعمه زى الحرير
» ازاى تخلى طفلك يتناول الادويه المرة
» حل مشكلة بطأ التصفح , ازاى تخلى تصفحك على النت زى الصاروخ
» اجمل التسريحات للبنات الامورات (تسريحات للبنات جميله جدا)