اللحظات الاخيره

كتاب قديم فوق طربيزه خشب
وسبحا بيضا منقطه بلون الدهب
وكرسي هزاز قي بلكونه بحري
قاعد عليه راجل عجوز مصري
لابس عابيه سوده قماشها حرير
باين عليه بيفكر والذكريات كتير
قلع نظرته وضحك ضحكه جميله
الله عليك يا عم الحج وعلي دي ليله
قام يعمل كوبايه شاي مظبوطه
علي بوتجاز بعين واحده وجنبه قوطه
ملا البراد الصغير من الحنفيه
وغسل الكوبايه والمعلقه بحنيه
(وحط الشاي والسكر وعمل الشاي)
ورجع علي الكرسي يقعد وكله شياب
وشفطه من الكوبايا وصفحه من الكتاب
كبس عليه النوم بيتواب قام ينام
الجو سقع ده راجل عجوز يا عيني حرام
فرد لحافه ومدد وسلم امره لله
وغمض عنيه وضحكه وشه بتودع الحياه
نوع جديد من الكتابه اسميته اللحظات الاخيره بمعني تسجيل اللحظات الاخيره من حياه الاشخاص او الاحداث بوجه عام متضمنه وصف المكان والزمان وكل شئ بمنتهي الدقه
اتمني ان تعجبكم

فكره جميله يا احمد
دائما مبدع
انا سمتها المشهد الاخير
ايه رأيك

وانا موافق مشكور يا اخي علي رايك الرائع

افكارك ديما يا احمد متميزه
انا مش عارفه انت بتجيب الافكار دى منين
احنا على كده عقلنا متركب شمال

والله ابدا انا بحاول اني افيد واستفيد من كل المحيطين بيا مش اكتر والله

معلش يا احمد
انا مش فاهمه
هى اللحظات الاخيره
او المشهد الاخير
معناه ان بعد كده الشخص مات
وهى دى اخر لحظاته

لا مش شرط اللحظات الاخيره في اليوم او في حدث معين او من وجهه نظري انا

اوكى كده فهمت

فكره حلوه يا صاحبى
تسلم افكارك وابدعاتك المتجدده

عارف يا احمد
فكره سهر جميله
ان تكون اللحظات الاخيره لاى شخص مفارق الحياه
بس هيبقى مجهود عليك كبير
بس انت قدها وقدود