عرفت بقى أنا ليه بعشقك؟
لأنك أصيلة
تغيبي تغيبي..وفجأة تجيبي عيال من دهب
تموتي تموتي...وفجأة تموري بعشق الحياة
وتتولدي تاني..يابنت الاصيلة
...ياست البنات
واعود بعد غربة تقيلة
واقوم بعد موتة طويلة
ألامس وجودي..واطبطب عليكي
ونكوي جراحنا بخل ولمون
ونحضن نخيلنا الجنين اللي طالع مابين الحجر والحصى والسراب
ويكبر وليدنا اللي شق بصراحة جدار السنين العجاف الرزيلة
يا احلى الحبايب
يابنت الأصيلة
ياطعم الوجود
ملحوظة:قرأتها في جريده يوميه وحبيت اقرأها لكم ارجوا ان تعجبكم
