شرح بالصور ازاى تدخل النت ببلاش عن طريق خط اتصالات وتعمل شات براحتك كمان

بسم الله الرحمن الرحيم

السلام عليكم ورحمة الله وبركاته :

طبعاً كلنا عارفين او معظمنا موضوع النت والشات على الموبيل والكلام دة كلة وفي برامج كتير للحاجات دي من اشهرهم Nimbuzz! و Ebuddy و Mig33 ومش محتاجين تعريف لكن المهم ان في مصر كل الشبكات بتدخل على النت بفلوس تقريبا جنية لكل 5 ميجا دي لاتصالات وفودافون 3 ميجا وموبينيل ايضا زي اتصالات وكلنا عارفين بندخل النت بلاش ازاي من على فودافون او اللي مش عارف لازم يكون مامعكش رصيد كتير يعني اقل من جنية وبعدين تتختار Vodafone MMS من نقاط الاتصال اما تيجي دخل على النت وطبعا سهلة جدا ومعروفة لدي الجميع واللي مش عارف اهو عرف لحد كدة كويس

ندخل بقي في الموضوع
طيب الناس بقي اللي معاها اتصالات تعمل اية عشان تدخل ببلاش مش لازم تشتري خط فودافون عشان تخش وتعمل تحويل مكالمات من الخط التاني وموال وبتاع وكلام بالنعناع .
المهم هندخل ان شاء الله النت على اتصالات ببلاش بس بشروط محددة
هنستخدم برنامج محدد وهو YAMEE ver 1.3
مايكونش معاك رصيد يعني يكون معاك اقل من جنية
لحد كدة كويس نشرح بقي .
واضح من الكلام ان الطريقة زي طريقة فودافون بس في مشكلة جامدة
ان اتصالات لما مايكونش معاك رصيد وتيجي تدخل النت بيحولك على الصفحة الرئيسية للموقع ودي مشكلة وبالتالي جميع البرامج مش هتعرف تعمل اتصال وكل شوية تقولك فشل الاتصال وقطع الاتصال وجاري اعادة الاتصال وفي الاخر مش بتدخل دة من تجربتي .
المهم البرنامج اللي معانا دة اعتقد معروف بس فية اللي احنا محتاجينة وهندخل منة على الايميل وطبعا الياهو بس للاسف الشديد (دة مؤقتا لحد اما نلاقي حاجة تانية او اللي يعرف حاجة تانية يقولنا )
المهم الشرح بقي بالصور وركز قوي
اول حاجة نزل برنامج YAMEE ver1.3 وهو دة اخر اصدار للبرنامج ماشي وبعدين ثبتة عادي خالص ماشي
بس قبل ماتفتحة روح مدير التطبيقات واعمل زي الصورة

وبعدين اضغط خيارات وبعدين الضبط

-

وبعدين هنغير Network Accses اللي هيا الاتصال بالشبكة من السؤال كل مرة الي السؤال مرة واحدة يعني من Ask Every Time الي Ask First Time

وبعدين بقي نروح نفتح البرنامج بتاعنا YAMEE

ونكتب ايميل الياهو والباسورد عادي خالص

وقبل ماتعمل لوجين ادخل على ضبط البرنامج من Menu هات Settings
وعلم على الخيار دةAuto reconnect when connection closed ودة لغز واهم حاجة في الموضوع

وبعدين نضغط اوك ونعمل Login

دلوقتي هيعمل اتصال

اضغط Yes

لازم تختار Etisalat MMS
ماشي كدة 100 مية
نشرح احنا عملنا اية
اولا خلينا طلب الاتصال بالشبكة مرة واحدة بس يعني اول مرة وبعد كدة يختار هو لوحدة وعدلنا في الضبط البرنامج انة لم يفصل الاتصال يتصل تاني لوحدة ماشي فالاتصال هيتصل ويفصل حوالي 4 مرات يعني هتنتظر على ما الايميل يفتح من 5 الي 15 دقيقة وبعدين الايميل هيفتح ان شاء الله

والصورة اهية توضح الكلام بس مافيش غيري فاتح معلش بقي
طيب نجرب نشوفة بيبعت ويستقبل ولا لا نشوف كدة

شغال مية مية اهوة وبكلم نفسي عادي خالص

طيب نتأكد بردو
ندخل على مدير الاتصال

وبعدين نشوف بقي

ولاحظ الارقام المرسل والمنزل
وبعد شوية

اظن كدة وضحت الفكرة اوي وكلة تمام والشرح بالصور قدامكم اهوة
ومية مية اهوة ومن غير رصيد
اظن الشرح واضح وكلة تمام
اخيرا مميزات برنامجنا YAMEE ver 1.3
بالظبط زي ماتكون فاتح الياهوو على الكمبيوتر بالظبط فية كل الامكانيات
ماعدا غرف الشات طبعا
بيدخل الكونفرنس وبيقبل الدعوات
بيضيف ايميلات ويحذف
فية كل الابتسامات
بيبعت جرس BUZZ!
بيدعم العربية ودي اهم حاجة بس لازم تضغط OK في مكان الكتابة مرتين او تختار Send Message من القائمة
وغيرها كتير وكتير اكتشف بنفسك