احنا بنشوف السعاده ازاى
بيختلف الاراء من انسان لاخر فى رؤيته لمعنى السعاده او حتى بيشوف السعاده فى ايه
*فى انسان بيشوف السعاده فى المال
*وفى انسان بيشوفها فى راحه البال
*وفى ناس بتشوف السعاده مش فى الدنيا بتشوف ان معنى السعاده الحقيقى فى الجنه بعد وقت الرحيل واللى بينظر للسعاده انهاافى الاخره مش فى الدنيا بيمشوا على مبدأ واحد ان الدنيا سجن المؤمن وجنه الكافرسجن المؤمن لانه بيبذل اقصى جهده انه يحرم على نفسه من اكتر متع الدنيا المزيفه عشان يتمتع بطعمها الحقيقى فى الجنه
كل واحد ليه رائه فى ازاى بيشوف السعاده فى الدنيا
وانا عن نفسى بشوف السعاده فى الكلمه الطيبه لان الانسان مهما عاش حياته سواء طال عمره او قصر
متهيقلى مش هيكون محتاج اكتر من كلمه طيبه تكون معاه فى طريقه وتتخفف عليه مشاكل الكون يمكن احسن حاجه بشوفها فى معنى الكلمه الطيبه الصادقه من القلب بجد لما تشوف تأثرهاعلى الانسان وازاى ممكن على الاقل تعطيه امل فى الحياه وتجعل ايامه تشرق من جديد
فما اجمل من ان يقوم الانسان برسم الابتسامه على وجوه الاخرين باطيب الكلمات
فالكلمه الطيبه صدقه
اللهم اجعلنى مما يتفوهون باطيب الكلمات وارحمها على عبادك يارب العالمين
