انا عندى مشكله

السلا م عليكم
ازيكم يا شباب المنتدي بصراحة قسم جميل وانا عندي مشراكة واحب اسمع اي ابنات والاولاد
انا مشكلتي ان نفسي احب واتحب قبل الجواز في ناس كتير عبرتلي عن حبها ورغبتها بالاستقرار بس انا مش حاسة بيهم
في البيت عاوززني اتجوز وبيسالوا انا لية برفض العرسان واية السبب كل ما يجي عريس يحصلي الاتي
زعل وتوتر شديد ممكن اروح فيها للدكتور ومن غير ما حد يضغط عليا لية مش عارفة دة غير تانيب الضمير
انا لية رفضتة واختلق الاعزار لدرجة ان محدش يعرف يرد عليا
انا بصراحة مش عاوزة استني كتير واكبر في السن بس اللي بيحصل دة غصب عني برفض ناس كتير
علي فكرة انا من سنتين مريت بتجربة حب فاشلة وهما في اليبيت عارفين لاني واضحة في كل حاجة
وفاكرين انها ماثرة فيا بس الحقيقة غير كدة انا فعلا بدور علي الحب ومش
عارفة اذا كان دة صح ولا غلط في ناس كتير من اصحابي اتجوزوا جواز العقل
ونجحوا يا تري انا صح ولا غلط افتوني يا شباب ان كنتم عن الحب باحثين
ولكم جزيل الشكر

على فكره
جواز العقل اكثر استقرارا من جواز اللى بيعتمد على المشاعر فقط
واعتقد ان هناك تجارب قاسيه مرت عليكى او شاهدتيها عن قرب هى اللى مخلياكى خايفه من الارتباط
انصحك انك تفكرى بهدؤ

اعتقد ان افضل شئ انك لما يتقدم لك عريس تصلى صلاه الاستخاره
وتحاولى تسمعى وجهات نظر المقربين اليك
وبعدين انت هتحسى بمدى قبول الشخص ده
ومدى ارتياحك له

مش كل واحد فشل فى تجربه ما بعد كده الدنيا تضيق حواليه ولا يرى الاشياء الجميله فيها
اعتقد ان التجربه الاولى اثرت فيكى كتير
يا ريت تنسى الماضى
وتبدأ صفحه جديده مع شخص جديد
وهو كفيل انه ينسيكى كل التجارب المؤلمه التى مرت بحياتك

شكرا يا جماعه على مساهماتكم الجميله
وانا فعلا استفدت من وحهات نظركم المختلفه
دمتم لى
ودام تواجدكم

اعتقد ان الاعضاء قالوا كل اللى ممكن ان الواحد يقوله

موضوع: القلب VS العقل.. الخميس مايو 20, 2010 12:26 am

سورى ......... هو تعليق متاخر ...... بس انا مشترك جديد هنا ........ حبيت اقولك ان صراع القلب و العقل ابدى لانهم هما دول الحاجتين اللى بيحركوا الانسان و كل واحد فيهم له اتجاه
و اللى يقولك ان واحد فيهم هو الصح يبقى عيل بريالة مبيفهمش اى حاجه
لان من سنين و الصراع ده ملوش فائز
الموضوع بيتحل حسب نوعية البنى ادم اللى محطوط فى الصراع يعنى انتى مثلا ( احساسى ) باين عليكى ان قرار القلب هو اللى هيوصلك للسعادة
فى ناس قرار العقل هو اللى يوصلها للسعادة ............ ودول مش ناس غلط بالعكس
كل واحد من حقه يدور على السعادة
اتنى اللى هتحسمى الصراع .......... يا ترى انتى قرار القلب واله العقل اللى يوصلك للسعادة؟

انا حاسس ان انتى قرار قلبك هو اللى هينتصر

و اتمنى انك تقرى تعليقى ده قبل ما تتجوزى عشان ده متاخر اوى

والله يا استاذ MiLLiYARDER كلامك مقنع جدا
وانا بجد مش عارفه اقولك ايه ومدى سعادتى بأهتمامك بالموضوع
بجد انا استفدت كتير
وانا فعلا بأرتاح لاختيارات قلبى مهما كانت

تقبل احترامى لحضرتك
انا عندى مشكله 368308

شوفي يابنت المنصورة مش شرط انك تحبي قبل الجواز بصراحة لانه مافيش حب حقيقي في الايام دي ويمكن انتي تكوني صادقة وعلى نياتك لكن للاسف الشديد في شباب بيستغلوا متل هذي المواقف وبيضحكوا على البنت البريئة المسكينة باسم الحب وبعدين تكون النتائج وخيمة عليكي
وانصحك ياختي ان تبحثي انتي على الحب وادعي الله سبحانه وتعالى ان يسخر لك لبن الحلال الي تتمنيه انتي.
وبالتوفيق لك من كل قلبي ان الله يسعدك في حياتك وتتجوزي الشخص الي يختاره قلبك وعقلك

عفوا اقصد لا تبحثي وليس تبحثي فعفوا على هذي الغلطة الكتابية

بصي بنت المنصوره هل انتي سيده قرارك ؟
لوكنت سيده قرارك فأبحثي عن الحب ولا تدعيه يبحث عنكي
وان كنتي لستي سيده قرا؟
فدعي الحب هو من يبحث عنكي

» عندى مشكله
» عندى مشكلة فى دخول المنتدى
» عندى مشكله فى الدخول
» عندى مشكله فى الدخول رغم انى الاسم سليم والباس ورد بتاعى سليم بس مش عارف ادخل
» المعذرة عندى سؤال السلطان العاشق