السلام عليكم

يا دقه الزار ...
زوار جايين من بعيد
من اول التاريخ اكيد
بيسألوا...
هو احنا مين قولي مين
يادقه الزار قولي مين....
لاسه وعمه وجلابيه
ولا بدله صناعه اجنبيه
ولا ناس جهله واميه
متشعلقين بقشه
جعجعه وصوتها عالي
والحفيفه روح ناديهالي
من عند اسمه ايه للي في بالي
واوعا يخشمك خشمه
بنزعق ونقول يا قدس
ماللي ما يعرفش يقول عدس
ياعم الجبله ما تحس
بقي زي العشه
لو عايزينه ما كانوا جابوه
بس بمزاجهم سابوه
مصلحه يابا علي ابوه
رشين رشه
خربت جابوا درافها
واحنا الغلابه نشوفها
من وري الفاترين نعرفها
هاتوا المقشه
اكنسوا زباله التاريخ
ماتخفوش من الصواريخ
مش قصدي تلبيخ
ملوخيه وعايزه طشه
مين الجبان فينا
اللي سابق ومعدينا
ولا اللي مصدرها لينا
ناموسه وعايزه نشه
يلا سلاموا عليكم

الله عليك يا عبيد
انت ولا بيرم التونسى

طبعا يا وشا
احمد عنده حس شعبى فى كلامه بيفكرنا بصلاح جاهين وبيرم وعمنا احمد نجم

ههههههههههههههه
ايه يا احمد خفه الدم دى
تسلم ايدك يا ابو حميد

ربنا يخليك يا اوشا بس لو حد سمعك بتقول عليا كده
هيفتكرني شاعر بجد انا اهو بزك بعك بلك وخلاص
ولا عايزني اتحبس زي القصيده اللي فاتت وتجبولي عيش وحلاوه تاني
تسلم يا اوشا ربنا ما يحرمنا من بعض ونفضل اخوات علي طول

ربنا يخليكي ياهمس بس ده شرف ليا انا مش اده
لما تشبهيني بالعمالقه دول وخصوصا عمنا بيرم
اللي انا بعشقه وبموت فيه

شكرا يافراوله علي المرور الكريم

بجد بجد تحفه يا احمد تسسلم ايديك