طريقة عمل مقلوبة لذيذة وشهية

السلام عليكم ورحمة الله وبركاته
حبيت النهاردة أقدم لكم طريقة عمل مقلوبة لذيذةوشهية ياريت تجربوها
واللي يجربها يقول لي رأيه فيها إيه
أنا عارفة ان ليهاأكتر من طريقة بس بجد الطريقة دي حلوة جدا جدا جدا
وان شاء اللههتعجبكم.

أولاً: المقادير

1 ك أرز (ممكن بسمتي وممكن عادي) لكن يفضل الأزر العادي علشان المقلوبة بتكون ماسكة نفسها أكتر.
1/2 ك لحم (يفضلالموزة) أو أي نوع زي ماتحبوا.
1 ك باذنجان رومي
1/2 ك كوسة
عدد 3 حبةبطاطس كبيرة
عدد 2 جزرة كبيرة
2 حبة بصل كبيرة
من 3 إلى 4 حباتطماطم
كبشة زبيب
كبشة مكسرات(لوز + عين جمل)
التوابل: ملح + فلفل + كركم

ثانياً: طريقة التحضير

أولاً نقطع اللحم إلى مكعباتصغيرة أو ممكن يكون شرائح مثل شرائح البوفتيك السميكة نسبياً ويسلق اللحم سلقاًجيداً.
ثانياً يقشر الباذنجان ويقطع ترانشات ثم يحمر في الزيت إلى أن يكتسباللون الذهبي
بعد كده تقطع البطاطس ترانشات ونحمرها في الزيت تحمير خفيف بحيثتكون (نصف سوا)
بعد كده نقطع الكوسة طولياً ونحمرها في الزيت تحمير خفيف مثلالبطاطس
والجزر كذلك يقطع شرائح دائرية رقيقة ويحمر في نفس الزيت
بعد كدهنقطع البصل شرائح دائرية ونحمره وعلى فكرة لما نحمره بعد الجزر هيكتسب لون ذهبيجميل جداً
تقطع الطماطم شرائح
ننقع الزبيب واللوز والعين الجمل (المقطعين قطعصغيرة) في الماء شوية والأرز يكون مغسول ومنقوع في الماء لمدة 5 دقائق
بعد كدهنجيب حلة اسطوانية الشكل ( يعني مش من الحلل اللي قاعدتها أعرض من حلقها) علشانالمقلوبة تنزل مظبوطة وتبقا شبه التورتة
ندهن الحلة كويس بزيت الذرة وبعدين أولحاجة نحطها هي شرائح البصل المحمرة وبعدين شرائح الطماطم وبعدين الجزر
بعد كدهنحط البطاطس وبعدها الكوسة طبعاً دي كلها بتكون راقات فوق بعضها
بعد كده شرائحالباذنجان وبعدين مكعبات اللحم المسلوق
نضيف المكسرات إلى الأرز بعد ان نصفيهممن الماء ونحط الأرز فوق الراقات السابقة بالحلة
نجيب شوربة اللحم المسلوق نضيفليها الملح اللازم وملعقتين من الكركم وندوبهم كويس
يتم إضافة الشوربة لحدماتكون باينة من تحت الأرز لكن مانغطيش بيها الأرز لأن الخضار هينزل السائل بتاعه ( عشان الأرز مايعجنش) ولا تكبسي الأرز بالملعقة.
شغلي البوتجاز على النارالمتوسطة لحد ما الرز يغلي
سيبيه يغلي شوية وبعد كده هدي النار
سيبيه يستويعلى نار هادية وكل شوية قلبي الأرز علشان لو ماقلبتيهوش هيستوي من تحت بس ومن فوقهيكون لسة نيئ وخللي بالك وانتي بتقلبيه من الراقات اللي تحت
هياخد تقريبا منساعة الا ربع لساعة في السوا وعموما انتي هتتأكدي بنفسك كل شوية لما تقلبيه اذا كاناستوا وللا لأ
بعد مايستوي حطي له الزبدة أو السمنة البلدي (حوالي ملعقتين) وقلبيه كويس وبعدين اضغطي على الأرز جامد جدا جدا بالملعقة لحد مايمسك في بعضهواطفي النار من عليه
حطي الحلة على الرخامة وسيبيها لمده 10 دقائق لحدماتهدى
بعد كده هاتي صينية مدورة واقلبي عليها المقلوبة وسيبيها شوية وبفوطةمبلولة امسحي الحلة من برة
بعد كده ارفعي الحلة برفق

طريقة عمل مقلوبة لذيذة وشهية DSC00772

على فكرة دي صورتها بعد ماخلصتها
وادعولي
انشاء الله يارب تعجبكم
وبالهناء والشفاء طريقة عمل مقلوبة لذيذة وشهية ;';'';'

مستنياكم تجربوها ومستنية ردودكم

شكرا يا سندريلا على الاكله اللذيذه

» طريقة لذيذة للاستفاده من قشر المانجو
» طريقة عمل كبسة اللحم بالبهارات لذيذة جداً
» اسهل طريقة لعمل الدهان على الجدران..طريقة التعتيق.. طريقة تنسيق الالوان والنقش الاسبونش على الحائط
» صور مقلوبة.......!!!!!
» احمد رجب صور مقلوبة