انا بحيها بجد نواره من اجدع البنات فى مصر و ب 100 راجل بجد
و ثوريه و عمرها ما بتستسلم يا ريت عندنا نص الرجاله زيك :\
نوارة نجم عبر تويتر
============
ما تبس بقى كلام عن الامية وشتايم في المحافظات وكلام عن هجرة وقرف.. بص
يابن الناس انت وهو الخلاصة في كام تويتة وبعدها ابلك اللي عاملي منهار
دي ثورة حضرتك، ولحد دلوقت احنا ما دفعناش التمن الحقيقي اللي نستحق عليه اننا يتقال علينا عملنا ثورة، ومافيش ثورة هوم ديليفري 1
حتقعد بقى تولولي عشان صندوق اقتراع متزور تزوير بجح وفاجر يبقى اقعد في بيتكو لما نخلص الثورة حنصحيك 2
ولا تكونش فاكر ان الثورة دي هي ال18 يوم يا حيلتها؟ ليه ان شاء الله؟ نظام بقاله 60 سنة يتشال في 18 يوم؟ ده يرضي ربنا ده؟
مافيش ثورة بالشوكة والسكينة، ومبارك كان غطا البلاعة شيلناه عشان نسلك
وننضف.. عندك جهد ووقت وصبر ولا نعتمد على اسكندرية بس في الليلة دي؟ 3
ماحدش غشك وفهمك ان ده انتقال سلمي للسلطة، وماحدش ضحك عليك وفهمك ان فيه تيار يمثل احلام الشعب مستعد لاستلام السلطة دلوقت 4
انتو شوفتو ايه؟ شوفتو اللي شافوه الليبيين ولا اللي شافوه السوريين؟ احنا
مشغلين طقم الكمنجات في الخلفية والميتم بنعمله على واحد كأن الف ميت 4
حضرتك مش عاجبك الشعب ومش عاجبك البلد وعمال تتكلم عن الهجرة الباب يفوت جمل.. قال يعني لقيت هجرة وقاعد معانا صدقة واحسان 5
دماغنا بقى شوية.. ايه الثوار اللي عايشين لي في دور شكري سرحان دول؟ ما تنشف ياض انت وهو 6
احنا ربنا ساترها معانا قوي.. امال لو كنا بنواجه انظمة ذكية شوية ولا
عندها برنامج؟ من حسن طالعنا ان مبارك خلى كل اللي تحته اغبى منه 7
وعموما لو حضرتك تعبت ومش عايز تكمل فيه طبقة جديدة حتنضم للثورة الايام الجاية وهي اللي حتجيب من الاخر بدل شغل السيس بتاعنا ده 8
ووفر طقم الكمنجات لنفسك ياريت ما تبقاش تسمعنا معاك.. الاخوان مش حيكملو
سنة فيها، مش مرسي.. الجماعة كلها دي اخر سنة لها في الدنيا ان شاء الله
