مهما كتر الكلام

إلى حبيبة عمرى

حياتى

:

الكلام لو قُلته فـ عيونك حبيبتى ..

أحس ليه معنى و صوت

معنى بيزلزل كيانى

صوت بيتحدَّى السكوت

وان كتبت لغير عيونك ..

أو وصفت شعور لغيرك

ألقى فـ حروفى خفوت!!

............

لما بكتبلك حبيبتى ...

نبض حرفى .. ودق قلبى

بيختلف

كل كلمه اكتبها ليكى

قلبى فيها بيرتجف ..

وبيعترف ..

ويبوح إليكى بأعلى صوت

يرسم هواه ..ألوان .. خطوط

يغزل مشاعره .. حرير .. خيوط

ويرتل ...
ويرتل الأبيات فى عشقك

ويخوض بحار من غير شطوط

يشكى الغرام .. عشق وهيام

ويقول :

بـاحب حبيبتى موت !!

............

والغريب لمَّا بشوفك

لما تلمس إيدى إيدك

لما أتملَّى فـ عيونك

تستحى منى الحروف !!

والقى كل كلامى ليكى ..

مختفى .. خلف السكوت !

مبدعه سلمت يداكى
تقبلى تحياتى

كل كلمه من الكلام ده تتقل بالماس

كل حرف من حروفك رقه واحساس

لو قارنتك بالبشر تبقى ست الناس