صبرتوا على مبارك 30 سنه ومش عايزين تصبروا على مرسى

عايز اقول لكل واحد بيقول انتوا صبرتوا على مبارك 30 سنه احب اقوله لو ان مبارك لقى من 30 سنه اللى يحاسبه على كل خطوة بيخطيها وملاقاش اللى بيصقفله على الفاضى والمليان واللى بينافق عمال على بطال واللى بيمدح فيه و يبرر اى فعل يقوم بيه بمناسبه او غير مناسبه واللى ماسك الطبله والصاجات وماشي قدامه ماكنش طمع فى السلطه بعد مده او مدتين وما كنش غير فى الدستور علشان المده الثالثه او الرابعه وماكنش فكر يورث ابنه البلد

اما اللى بيقولوا وانتوا عملتوا ايه ايام مبارك احب اقوله ان الثورة اللى حصلت وماشركتش انت فيها لانك كنت ضدها ماقمتش فجاءة فى يوم وليله هناك اجيال من الشباب وبعض القوى السياسيه كانت بتجاهد وبتعترض وبتعتصم وانت ماكنتش تعرف يعنى ايه معنى اعتصام او اضراب او حتى عصيان مدنى

ومن اهم هذه القوى الاخوان المسلمين والغد وكفايه والجمعيه الوطنيه للتغير ونقابات العمال المستقله و6 ابريل و قضاه مستقلون - والاشتراكيون الثوريون وغيرهم من الحركات العماليه والمهندسون

وهذا احد الفيديهات وهى كثيره و يوضح عدد الاعتصامات والاحتجاجات قبل الثورة لمن لم يكن يهتم بها فيما قبل

اسمحولى يا جماعه اقول رأى

المشكله اللى احنا فيها دلوقتى ايه

ان القوى المدنيه تعتقد انها لو امسكت بالبلد لوحدها تستطيع ان تنقذها من الاضمحلال التى هى فيه وان الاخوان والسلفيين سيذهبون بنا الى العصور الوسطى وستصبح مصر كافغانستان وباكستان

والقوى الاسلاميه تعتقد انها لو امسكت بالبلد وحدها تستطيع ان تنهض بها وان القوى المدنيه والليبراليين والعلمنيين سيجعلون البلد كالدنمارك والسويد دعاره وعرى وخمور واباحه الشواذ

قوى الحزب الوطنى السابق ورجال النظام السابق وهم ملايين لا شك فى ذلك يريدون بقاء الحال على ماكان دون اى تغيير وهم مستعدون ان يتعاملوا مع اى نظام سيستقر عليه حال البلد ليبدأو فى فسادهم مرة اخرى بل هم مستعدون ان يفسدو النظام الجديد حتى يستطيعوا ان يتعايشوا معه

كل فصيل يعتقد ان الاخر نقيضه تماما

والحل

اعتقد ان الحل قد فعله الرسول صلى الله عليه وسلم من قبل

فقبل بعثته صلى الله عليه وسلم حدث سيلا وهدمت الكعبه

وبعد ان اعادت قريش بناءه جاء وضع الحجر الاسود واعادته الى مكانه فحدثت المشكله

كل شريف من شرفاء مكه وكل سيد من ساداتها

فلما زاد النزاع بينهم اقسم بنو عبد الدار وهم المسئلون عن الكعبه وقالوا نحن حجبه الكعبه والله ما يضع الحجر الاسود غيرنا واتوا باناء به دم ووضعوا ايديهم فى الدم ورفغوها وقالوا والله ما يضع الحجر الاسود غيرنا الا بالدم
وعندما راى بنو مخزوم هذا المنظر جاءوا ايضا باناء به دم وقالوا ايضا ما نترك هذا الا بالدم وايضا بنو عدى بن كعب فعلوا ذلك ايضا وبدا ان القتال سيحتدم بينهم من اجل اخذ شرف وضع الحجر الاسود مكانه

واصبح من الواضح ان هناك مذبحة ستحدث
وعنها اتى رجل حكيم وهو اكبر اهل قريش سنا اسمه ابو اميه بن المغيره قال : يا قوم على ما تفنوا انفسكم اذا اقتلتم من يبقى فى قريش ( لان كل هؤلاء ساده قريش ) فتعازموا على تحكيم احد الناس
فوافقوا وتعاهدوا على قبول التحكيم
فقالوا لابو اميه : من نحكم
قال : تحكمون باول من يدخل من باب بنى شيبه
فقالوا : اجل
وبينما هم منتظرون اذ دخل النبى من هذا الباب
قالوا : الصادق الامين الصادق الامين رضينا رضينا
وبالفعل الكل اجمع على الموافقه على حكم النبى
وحكوا للنبى قصه النزاع الذى بينهم
نزع النبى ثوبه الشريف ووضعه على الارض وحمل النبى الحجر الاسود بيديه ووضع الحجر الاسود على الثوب ثم نادى ساده قريش من كل القبائل وقال : احملوا الثوب
فكلهم اشتركوا فى حمل الحجر الاسود حتى رفعوه الى مكانه ثم رفع النبى الحجر الاسود من الثوب ثم وضعه فى مكانه بيديه الشريفتين
فحل النبى هذه المشكله التى كادت تؤدى الى القتال بين اهل قريش
فمن الافضل ان تتحد جميع القوى ولا يسثأثر فريق وحده بالامور

فالجميع شارك فى الثورة

وعلى الجميع ان يمحوا من قاموسه التخوين والتكفير والعماله

فهذا افضل لمصرنا

وشكرا

الله ينور عليك استاذنا
ربنا يبارك فيك
علينا ان نتحلى بالصبر
ونحن مازلنا بنقاوم الفساد البائد
كما قال اخى الاستاذ عليوه
هناك الملايين يريدون افساد كل شىء
شكرا اخى على ردك الرائع
وعلى نبينا الصلاة والسلام

نعم يا اخوان لابد من الصبر علي الريس واعطائه فرصة كافية ولازم الشعب يسانده بالانتاج والانتاج وثم الانتاج وتصفية سدنة مبارك من اجهزة الدولة والا الراجل لن يفعل شئ والله المستان.