عيون الصيد ناعسات عيونى
وعيون النيل حاكن عيونى
نسيت قلبي وروحى ونسونى
وفقدت الكانوا يآنسونى
ليالى هناى جد عاكسونى
وأخاصم النوم كيف درسونى
فقدت صحابي لا تنصحونى
خطاب وعتاب كيف بارحونى
عيون الصيد الجرحونى
سرورى يتم لو يلموحونى
مع الآلام هاجت شجونى
وأطبا الكون ما عالجونى
جفوا وبي نفورهم هيجونى
متين فى الطيف يصبوا ويجون
غلبنى أسير هيا درجونى
على الأطلال ليل عرجونى
هواى شريف لا تحرجونى
وعلى الأكفان لا تدرجونى
مقر أملى وفيهم ظنونى
يزيدوا دلال وتزيد جنونى
لذيذ تعذيبهم لو ضنونى
وصالهم آه راحتى ومنونى
للشاعر محمد على الامى
هذه الكلمات لشاعر كان اميا
وله اشعار يعجز كبار الكتاب فى مجاراته
الموهبه الفطريه