أنا سعيدة جداً إني هاكون معاكم في منتدى مترو، وتحديداً في
"رصيف المرأة"، وزي ما وعدتكم إن في كل مرة حستضيف خبير أو خبيرة تجميل؛ علشان
نتعرّف معاه بـ"الصوت والصورة" على كل ما هو جديد في عالم الموضة
والجمال...
النهارده معايا ومعاكم مصممة لفات الطرح "مروة
البغدادي" واللي هنشوف معاها لفات طرح جديدة للعروسة.. وهنعرف إزاي إن
اللفات الجاهزة بتوفر الوقت والمجهود وكمان المصاريف!!! اللفة الأولى
هنبدأ
مع بعض بأول لفة واللي بندخّل فيها ألوان زي اللون التركواز اللي بيعمل
شكل مبهج للعروسة، ومعظم البنات بتحبه، وطبعاً التركواز من الألوان اللي
بتفضل موضة على طول ومش بتبطل أبداً وكمان بينور الوش جداً.
وقبل ما نبدأ في لفة الطرحة لازم نكون لفين الشعر ببونيه قطن علشان يثبت الطرحة..
أول خطوة هنعملها بعد كده هي إننا نربط باندانا تول بيضاء؛ لأنها هتنوّر الوش..
ونجيب باندانا تركواز نثبتها على الباندانا البيضاء علشان نربط بين اللون الأبيض والتطريز التركواز الموجود على الطرحة..
ونبدأ
نربط الباندانا المطرزة وبعد كده نثبت الطرحة الأساسية واللي بتقدري
تتحكمي فيها على حسب رغبتك وعلى حسب شكل فستانك؛ يعني مثلاً لو الفستان له
ديل طويل مش هنقدر نعمل معاه طرحة طويلة وعلى فكرة الطرحة القصيرة رجعت
موضة تاني.
وبكده نكون عملنا لفة طرحة للعروسة واللي ممكن أي
عروسة تعملها لنفسها، وزي ما هنشوف في الفيديو إنها مش هتاخد مننا إلا
دقايق قليلة، وكمان أنتِ اللي بتقدري تتحكمي فيها على حسب اللي يعجبك
واللي يناسبك.
شاهدي الفيديو إضغط لمشاهدة الفيديو:
اللفة الثانية
دلوقتي هنشوف لوك جديد بلفة طرحة جديدة، والمرة دي هنعمله ببونيه مطرز
بالستراس واللي بيدينا شكل التاج، ده غير إن الباندانا دي بتدينا ثبات
أكتر علشان العروسة تقدر تتحرك براحتها ده غير إنها بتدي شياكة وجمال.
وده اللي إحنا بنحاول نعمله علشان العروسة المحجبة تحس بجمالها وما تحسش إنها هتكون بشعرها أحسن.
شاهدي الفيديو إضغط لمشاهدة الفيديو:
وفي
النهاية نحب نقول لكل بنات "منتديات مترو" حاولوا دايماً تختاروا اللي بيليق
عليكم، وبلاش تهتموا بالموضة وبس ودايماً نهتم بالأناقة وبالبساطة؛ لأن
الحاجات البسيطة هتديكِ رقة وشياكة وكمان بتعطي انطباع كويس عن البنت
المحجبة.
ويا ريت تكون الحلقة عجبتكم واستفدتم منها...
وتابعونا في الحلقة القادمة،،،،
علشان هيكون معانا مفاجآت تانية كتييييييييييييييييييييييييير
