لا شوفه تبل الريق

لا شوفةً تبل الشوق
ولا رداً يطمّن
أريتك تبقى طيب إنت
أنا البي كلو هين
قليبا لي رهيّف عارفو
ماب يحمل حنيّن
إنت ماب يغباك حالو
الفيهو كل البيهو بيّن
بقيت مالي غير أشعاري
أكتبه فيك وأدوّن
أقول يمكن تزيل ما بي
ولاّ قليل تهوّن
ومالكن يا قماري بتشدن
إيش لازمة تغنّن
نغيماتكن تهيج أشواقي
للعينين يبكّن
بدّيكن وصية أمانة
لي سيد روحي طيرن
ترا الحال العلي شفتنو
قولن ليهو أحكن
قوليلو السحب في روضو
ما عادن يكبّن
وأضحى محل خراب ما فيهو
غير زهراً مضبلن
قولن ليهو ليلو طويل
.. طويل.. طولاً يجنّن
لا قمرًا ظهر في سماهو
لا نجمات يضوّن
وكل ماليهو يتصبّر
يقول أيام يعدن
يمنّي لنفسو بي لقياك
ولاّ ترد لو يمكن

كلمات محمد سعيد دفع الله

ولا شوفه تبل الريق واكحل بالقا عيونى

واهدى القلب بعد الضيق وابرد نار هوى شجونى

ونرجع تانى صديق وصديق نكيد عزال حسدونى

الله الله ياابو حميد
ايه الابداع دا
شكرالمرورك

أنا البي كلو هين
قليبا لي رهيّف عارفو
ماب يحمل حنيّن




ايه ياعم ربيع الرجاله اللى قلبها ورق كده

ده احنا بنقول على السودان ان قلبهم قاسي

معقوله هما حنينين كده

طارق جمال كتب:

أنا البي كلو هين
قليبا لي رهيّف عارفو
ماب يحمل حنيّن




ايه ياعم ربيع الرجاله اللى قلبها ورق كده

ده احنا بنقول على السودان ان قلبهم قاسي

معقوله هما حنينين كده

الشعراء فى السودان منتهى الرقه فى التصوير البلاغى

لكن الراجل الشرقى انت عارف لما الزجرنه تقوم هههههههههه

لاتعليق سوى ابداء الاعجاب باسلوب التعبير الراقى

شكرا لمروك استاذتنا الفاضله