الحب لو بالكلام كان الكلام ثمنه غلي ...
والدنيا رمية زهر رماها واحد علي
وكل يوم في جديد والجديد اصعب
واللي يفكر كتير اكيد اكيد هيتعب
ده حالها مايل يا خال ومين يعدله
عايزين نقل مخ والمخ مين ينقله
الاسطبل مليان حمير وكل واحد فاكر
انه ابو المفهومية وعلي المشكلة قادر
لو حد قرائله الفنجان كان إتصدم
ما كبير الحمير قرطاس وزي البجم
ياكل ويشرب والمهم مزاجه عال
خربت و كف بكف باظت يا خال
فلوسها طايرة زي دخان السجاير
والعيشة صعبة وأهو كأس وداير
لهونا في لقمة العيش علشان نضيع
وخلوا دولة حقيرة تعملنا مواضيع
الله يسامح هيسامح مين و لا مين
كلنا غلابة ارانب في غابة مساكين
هو لغز وحله عندي ... عرفت حله ؟
