وراك الليل

وراك اللـيـل


الليلة توبي وأرجعي
وأنشري في ليل الضياع حلمات أسى

وأبقي البلاد الما غشاها غنى
الدوالي ولا ضحك فيها المساء

لو كان تفيد حزنك دموع
كيفين عيونك تحبسا

الليلة توبي وعيشي بأمل السماح

والغايب أمكن ما نساك أمكن
مع الأيام هناك ياداب يلملم في الجراح

أمكن سنينو الباعها ليك
لليلة ما لاقت صباح

ذاك الربيع ايامو شوفتك
والربيع إتلاشى راح

تلقيهو في دمعات مسافر
ولا ببكي وسط رياح

الليلة توبي على حنين
تم من لقياك حول

مطلوق على وعدك غناه
ولسه يتشابا الوصول

وأسألي الميعاد مصيركم
كان يجيه الليلة قول

والأماني الباقية منسج
باقية ديمة لزهر البنفسج

وا ضياع لون القبيل

وراك الليل صبح ليلين
وضي الشمعة ما نور

وقت ردك يطول مني
يسهرني معاي يسهر

وعذاب الشوق يبكيني
أقول أنساكي لو أقدر

أجيب سيرتك وأضم صورتك
وإترجاكي ما بفتر

بلاك لو شفتي يا حلوة
بقت دنياي ما دنيا

لا جاب الخريف غيمة
ولا الكلمات بقت غنية

وردك مهما طول وغاب
ولسة برضو لي منية

تردي ولا ما تردي
حروفك عندي بالدنيا

عشانك أبقى زي رحال
أطوف الدنيا زي عصفور

يداري الدمعة في عيونو
ويقبل قسمة المقدور

يصارع في قساوة الريح
وشايل لصغارو زهور


يأمل في وصول عشه
ويوصل بجناح مكسور



حمد الريح

عشانك أبقى زي رحال
أطوف الدنيا زي عصفور

يداري الدمعة في عيونو
ويقبل قسمة المقدور

يصارع في قساوة الريح
وشايل لصغارو زهور


يأمل في وصول عشه
ويوصل بجناح مكسور
===============
الله عليك يا فنان وعلى حسن انتقائك وتميزك
وتسلم يا ربيع المنتدى ويسلم عمنا حمد الريح
صباحكم معطر بالفن والانسجام
لكم منى احلى تحية لاحلى عيون سهرانة مع الفن لا تنام
شكرا حضرة الناظر الفنان ربيع المنتدى الدائم

اخى العزير
ميدو
شكرا لكلماتك الرقيقه
اقل شىء نقدمه لكم
مع خالص تقديرى لشخصكم
الكريم