في عيونك يا أميرة غنوة
من شعري ال نظمتو
فيها روعة فيها مقطع
بي لهيب النار كتبتو
فيها ذكرى عزيزة لينا
بتحكي عن عمري السهرتو
مافي لحظة تمر علينا
نحن في الغربة وملالها
غير ما نبكي وتاني نبكي
نقرأ في عيونك سؤالها
كان بيقول دايرنا نحن
ننسى غربتنا وفعالها
وليكي نرجع يا أميرة
نغني للدنيا وجمالها
من خدودك ومن نداها
من عيونك ومن صفاها
كنت تايه بين قوافي
أنشدت في الحب غناها
فجاة في دنياكي طلت
فرقة ما معروف مدآها
فرقة شالت نوم عيوني
وغرقت في قلبي آآآها
حمد الريح
