زعيم الانجازات

يا شعب ياللي ناكر الجميل،
إزاي تخلي الزعيم ذليل،
نسيتوا إنه بطل السلام،
من إنجازاته شد الحزام،
غرقكوا كوسة،
فقر وعنوسة،
تعليم وحوسة،
جهل وزحام،
يا شعب قوللي إزاي تعيش،
معقول ضميرك خلاص مفيش،
ونسيت تاريخه والإنجازات،
وأمن دوله وزنزانات،
وخضار مسرطن،
وحشيش يسلطن،
ووطن يطنطن في الأغنيات،
ياشعب فين الأصل فين،
فرحان بسجنه طب يرضي مين،
يا شعب إصحي،
هو إللي ضحي،
أحلام وريثه
بإيديه دبحها،
والغلطه إنه
بشهامة منه،
مش غصب عنه
سابنا وإتنحي
نسيت ده كله
ورضيت بذله
مضطر أقولها
يا شعب"ذلــــــــه"

منقول

نسيتوا إنه بطل السلام،

أعتقد أن المقصود " بطَّل السلام "
ههههههههههه

كلمات جميلة اخى محمد
يسلم تقديمك

والله احنا شعب كريم قوى اننا سيبناه يتحاكم

المفروض المشنقه على طول

شكرا اخى محمد على الابيات الجميله

شكرا على الطرح اللى فى الصميم

ايهاب عبد المنعم كتب:: نسيتوا إنه بطل السلام،

أعتقد أن المقصود " بطَّل السلام "
ههههههههههه

كلمات جميلة اخى محمد
يسلم تقديمك

ياعم ايهاب احنا ظالمينه الراجل بردة كان بيحل مشكلنا بطريقة علمية
طيب تفتكر هو عمل الحزام بتاع العربيات ليه علشان يعالج مشكلة الكرش واللى ماعندهوش كرش علشان ما يطلعلهوش كرش
وكمان عالج مشكلة الزيادة السكانية بتحديد النسل والخضار المسرطن
الراجل كان بيفكر ليل ونهار ازاى يخلص على الشعب علشان يرتاح شوية فى اخر ايامه يعنى احنا نرتاح وهو يتعب دا حرام يناس
شكرا على مرورك اخى ايهاب

حوريه من الجنه كتب:: والله احنا شعب كريم قوى اننا سيبناه يتحاكم

المفروض المشنقه على طول

شكرا اخى محمد على الابيات الجميله

دا عايز كرسى كهربائى ويحطوه فى حوض مية وينزلو الكرسى فى الحوض يبقى دخله ميه وكهربه ونقدملها على عداد زى كركر
نورتى موضوعى اختى حورية

السلطان العاشق كتب:: شكرا على الطرح اللى فى الصميم

اشكرك اخى السلطان العاشق على مرورك القدير

» مبارك زعيم عظيم
» اضحك مع زعيم المجانين
» إعدام زعيم حركة "جند الله" السنية شنقا فى إيران
» صور إنهيار أكبر بؤرة إجرامية في تاريخ مصر الحديث عزت حنفي زعيم العصابة
» بألامس خرج عادل أمام بتصريح فى التليفزيون أنه مؤيد لثوره الشباب بعد هروب مبارك كيف يا زعيم المنافقين