تشيل الهم وتبقي حزين
وتمشي تلم في جرح سنين
تطاطي عنيك وترضي الكل
وخوف لياليك لقلبك ضل
حكاية جرح في كل زمان
********
إنسان واحد من البشر إنكسر قصة في كل مكان
حيران بيسأل علي السبب وكتب حكايته علي الجدران
وساب الجواب لما يجيله الاوان
******
تتخبط الخطاوي ويهدك الكلام
وتلاقي في الغناوي مسكن للألام
تتنفس الدخان وترضي بالانين
وتكتب العنوان تايه يا محسنين
من اول التاريخ والقصة اسمها إنسان
*****
جلدوك يا ولداه وبالديون ربطوك
خلوك بقيت اعمي وهما بيسحبوك
والضحكة مالهاش طعم حاجة مستورده
مكتوب عليك تعيش وكأنك من الفضا
واحد غريب علي الارض مالكش مكان
*** *** ***
أحمد عبيد ...
