منتديات مترو
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» حفلات الشيخ ياسين التهامى mp3 للتحميل , تحميل حفلات ياسين التهامى
موسوعه للنكت ارجو التثبيت   Emptyالسبت مارس 30, 2024 2:48 pm من طرف الزقم

»  تحميل كتاب شمس المعارف , كتاب السحر الأسود , بحجم 32 ميجا تحميل
موسوعه للنكت ارجو التثبيت   Emptyالسبت مارس 30, 2024 2:26 pm من طرف الزقم

» كتاب ( نهايـــــــة العالــــــم ) للدكتور ‘‘ محمد العريفي ‘‘ من أغرب الكتب وأكثرها مبيعا للتحميل المباشر وعلى اكثر من سيرفر علامات الساعة بالصور والخرائط
موسوعه للنكت ارجو التثبيت   Emptyالإثنين أبريل 10, 2023 5:37 pm من طرف الزقم

» كلما ابتعدنا
موسوعه للنكت ارجو التثبيت   Emptyالخميس نوفمبر 19, 2020 12:46 pm من طرف ربيع محمد

» تحميل جميع البومات ام كلثوم
موسوعه للنكت ارجو التثبيت   Emptyالإثنين ديسمبر 16, 2019 10:36 pm من طرف نبيل سويلم

» فيلم القشاش بصيغة 3gp للهواتف المحموله برابط مباشر
موسوعه للنكت ارجو التثبيت   Emptyالخميس نوفمبر 28, 2019 4:40 pm من طرف sjody

» المقادير لابن الباديه
موسوعه للنكت ارجو التثبيت   Emptyالخميس أكتوبر 24, 2019 7:53 am من طرف ربيع محمد

» تحميل نغمة سلام قول من رب رحيم , نغمة لطفى لبيب سلام قول من رب رحيم للتحميل
موسوعه للنكت ارجو التثبيت   Emptyالخميس أكتوبر 17, 2019 9:41 pm من طرف الزقم

» 1000 لعبة من العاب الاتارى بتاعة زمان تعمل على اى جهاز للتحميل على سيرفرات متعدده
موسوعه للنكت ارجو التثبيت   Emptyالخميس أكتوبر 17, 2019 8:59 pm من طرف الزقم

» سفينتى*سفينة الحب*السلطان العاشق
موسوعه للنكت ارجو التثبيت   Emptyالخميس أكتوبر 03, 2019 6:27 pm من طرف عماد الصغير

أفضل 10 أعضاء في هذا الأسبوع
لا يوجد مستخدم
body onbeforeprint="onbeforeprint()" onafterprint="onafterprint()"onselectstart="return false" oncontextmenu="return false">

 

 موسوعه للنكت ارجو التثبيت

اذهب الى الأسفل 
2 مشترك
كاتب الموضوعرسالة
اية2000
راكب درجه فاخره
راكب درجه فاخره
اية2000


الجنس : انثى
عدد المساهمات : 787
نقاط : 1359
تاريخ التسجيل : 31/03/2011

موسوعه للنكت ارجو التثبيت   Empty
مُساهمةموضوع: موسوعه للنكت ارجو التثبيت    موسوعه للنكت ارجو التثبيت   Emptyالأحد يوليو 03, 2011 11:12 pm

مره واحد ومراته قاعدين في الطياره فالراجل قال لمراته روحي هاتيلي اشرب
فراحت جابتلوه ميه بعد شوية قالها روحي هاتي اشرب
فراحت ومجبتش قالها فين الميه قالتلوه اصل الزير الي كنت بجبلك منه لقيت واحد قاعد عليه

واحد راح للدكتور قال له "يا دكتور انا عندي مشلكة فظيعة جدا، بانسى بسرعة" الدكتور قال له "المشكلة دي عندك من إمتى؟" قال له "مشكلة إيه؟"

في جماعه صعايده راحوا يلعبوا علي الطريق السريع واتفقوا ان الي تخبطه عربية مرتين يطلع بره اللعبة
من فضلك اضحك ومتحرجنيش

مرة واحد بيعدي الشارع مع صحابه خبطته عربية مات. نقوا واحد منهم عشان يقول لمراته فراح لها فتحت له الباب قال له: "جوزك ضيع كل فلوسه ع القمار" قالت له: "إلهي ينشل البعيييد!" قال لها: "و باع البيت" قالت له: "إلهي يبيعوا عنيه!" قال لها: "و اتجوز عليكي على فكرة" قال له: "إلهي يدخلوا عليا شايلينه" الراجل قال: "بس..خشوا يا شباب..."


المريض لطبيب العيون : فعلا إنها نظارة عظيمة ارتاح نظري فيها .. فقال الطبيب : وسترتاح أكثر عندما أضع عليها العدسات!



في واحد مفلس ومنحوس ماشي في الطريق فلقى عربية عاملة حادثة، ولما شاف الضحايا، ففكر انه يقطع ودنه ويحطهاقدامه عشان ياخذ التعويض، وبعد ما عمل كده اكتشف انهم بيصوروا فيلم سينمائي.

تزوج لص من لصة فولدت له طفلا، ولكن يده كانت مقفولة فذهبوا به إلى الطبيب ليفتحها، فوجدوا بها خاتم الممرضة


واحد فات على مطعم يريد ان ياكل وليس معه نقود. فرفضوا اطعامه فقال : اذا لم تطعموني اعمل مثل ما عمل اخي فخافوا منه واطعموه وبعد ان انهى طعامه سألوه : ماذا فعل اخوك؟ فقال: نام بدون عشاء .


واحد مسطول بيقول لصاحبه مش عارف يا أخي عود الكبريت ده ما بيولعش ليه مع إنه لسه مولع من شوية!



*مرة بنت قالت لامها : هو السمك بياكل سردين؟ قالت ا يوة قالت لها : ازاي بيفتح العلبة؟؟


*مرة واحد غبي ماشى فى الشارع قال يارب يااااارب احط ايدى في جيبى الاقى 10جنيه يااااارب،
حط ايده في جيبه لاقاه مخروم رجع يدور عليها لتكون وقعت



*مرة واحد راح يخطب واحده، باباها قال له بس البنت لسة بتدرس، قال له خلاص اجلها في الفسحه



*مره اتنين مجانين اتفقوا انهم يهربوا من المستشفى
واحد قال للتانى لو لاقينا الصور عالى هنهده لو لاقيناه واطى هنط من فوقيه
التانى قاله ماشى راحوا مالاقوش صور خالص قالوا يخساره المهمه فشلت



مرة واحد دخل مستشفى المجانين ولقى المجانين معلقين واحد فى السقف وعملين يلفوا حولية ، ولمح واحد قاعد بعيد عنهم فراح سالة: هما الجماعة دول بيعملوا إية ، قلة جماعة مجانين فاكرين الرجل لمبة وبيلفوا حولية ، فقال له طيب تعالى ننزل الرجل دة ، فرد علية المجنون ياسلاآآآآم ونقعد فى الظلمة يا روح أمك


مدرس جغرافيا جاب لمراته فى عيد ميلادها سلسله جبال



في قروي اشتغل في المرور...شاف صاحب موتر سيكل... يمشي على اطار واحد... كتب في المخالفه ..((محاولة طيران))

في نمله وقفت علي كوب عصير فراوله قالت واخيرا شفت البحر الاحمر


فيه محشش دخل على راعي بقاله قال عندك ببسي حار قال ايوه قال حطه في الثلاجه


واحد اعمي فتح من فرحته انشل






مره واحده رايحه تشتكي لأمها: يا ماما يا ماما الحقيني..؟ الام: مالك في ايه؟؟! فقالت: كل ما اعمل الاكل لجوزي ياخده ويرميه للكلب!!! الام: يا حرام والكلب ذنبه ايه بس؟؟!!!


واحدة الدولاب عندها بيعمل صوت لما القطر بيعدى من جنبهم جابت نجار صلحو مرة و اتنين و تالت مرة قالتلو ولاهى مانتا ماشى الا لما القطر يعدى و اشوفو هيتهز ولا لا شوية و جوزها جة و النجار من الخضة استخبة فى الدولاب .... لما جوزها شافو قالو انت بتعمل اية هنا قالو النجار لو حلفتلك باية مش هتصدق انى مستنى القطر



واحدة نايمة جنب جوزها سمعت صوت في الصالة قالت لجوزها قوم شوف يمكن حرامى.. قالها قومي شوفى انتى يمكن حرامية




مرة ندل ماشى مع واحد صاحبه قاله ارهنك على كام ان اللى ماشية مع الراجل هناك دى اسمها فوزية قاله وانت عرفت ازاى قاله اصلها مراتي
مرة واحدة بتقول لجوزها: تعالى ودينى المستشفى .. ماما هناك وعندها حالة تسمم ... راح قايلها : لازم عضت لسانها بالغلط
عريس بيقول لعروستة لازم تعرفي ان كلمتي في البيت زي الساعه بصتلو بنظرت غضب...قالها يعني لا بتقدم ولا بتأخر


مرة واحد غبي راح يخطب فوالد العروسة بيقولة احنا عايزين مهر عشرين الف جنية قام الغبي قالة لية دا انا قدامي واحدة على خمس تلاف وحامل
واحده وحشه قوى بتقول لجوزها يا رااااجل مش تصلح شباك الحمام علشان وانا بستحمه الجيران مايشوفونيش قالها: خليهم يشوفوكى علشان يصلحوه على حسابهم
مرة ولد صغير راح لامة قالها ماما ..ماما انا شفت الواد اللى فوقينا بيبوس البت اللى تحتينا قالتلة ملكش دعوة يا حبيبى دول بيحبو بعض وهيتجوز قالها الولد يعنى افهم من كدة ان اى اتنين بيبوسو بعض يبقو هيتجوزو بعض قالتلة اه يا حبيبى الولد قالها طب بابا هيتجوز الشغالة امتى؟؟


مرة 2 أًصحاب بيتكلموا
فالأول ءال للتاني
النهاردة عيد جوازي ال 25
عارف أنا هودي مراتي فين؟؟؟؟؟؟؟
فالتاني ءاله فين؟؟؟؟؟؟؟
ءاله الصين
فالتاني ءاله ايه.....
عيد جوازكم ال 25 و هتوديها الصين؟؟؟؟؟؟؟
اومال في عيد جوازكم ال 50 هتعمل ايه؟؟؟؟؟؟؟
ءاله ............
هروح اجيبها


واحد مسطول ركب تاكسي فالسائق قال له ممكن تشوفلي الاشاره اليمين شغاله ولا لا فطلع المسطول رأسه من الشباك قال للسواق شغاله مش شغاله، شغاله مش شغاله، شغاله مش شغال
__________________________________________________ ______________________
مسطول بيقول لصاحبه : يا أخى أمبارح دخلت فيلم هندى هايل بتاع راجل و ست ماشيين لقوا طفله فى اللفه خدوها و ربوها لغايه ما كبرت وفى الاخر طلعت أمهم
__________________________________________________ ________________________________
مرة واحد مسطول ماشي قدام مزرعه لقى مكتوب عليها من بره ((مزرعة عجول)) دخل للبواب وقاله "يا عم انت بتزرعوا العجول ازااااي ؟" البواب شافه مسطول قال اراضيه بكلمه علشان يمشي قاله "احنا بنرمي السكر على الارض وتاني يوم بتطلع العجول." روح المسطول البيت ورمى سكر على الارض تاني يوم لقى النمل كتييييييير على الارض قلهم "يا حلاوة العجول وهي صغيرة
__________________________________________________ ________________________________
واحد محشش كان حيخبط واحدة بالعربية . قالتله انت ماشفتنيش . قالها أيوه شفتك بس مش فاكر فين؟؟
__________________________________________________ ________________________________
مرة اتنين مساطيل قاعدين ومعاهم مراية فواحد مسك المراية وبص فيها وقال الشكل دة مش غريب عليا راح التانى مسكها وبص فيها وقاله إيه يا عم انت مسطول ده انا
__________________________________________________ __________________________
مرة اتنيين مساطيل راكبين عربيه فواحد بيقول للتاني "حاسب قدامك شجره" فمردش عليه راح مزعق شويه وقال "حااااسب قداااامك شجرة" برضه مردش عليه طراااااخ خبطوا في الشجره فقال الاول "مش قلتلك قدامك شجره" رد عليه وقاله "اعملك ايه مش انت الي سايق
__________________________________________________ ____________________________
مسطول بيقول لصاحبه : أهم خمس حاجات في الدنيا ...تلات حاجات .... الميه و الهوا
__________________________________________________ ___________________________
واحد مسطول اشتغل سواق تاكسي، شاورتله واحده، وقف وسألها "رايحه فين؟" قالتله "المهندسين" قالها "روحي بس ما تتأخريش"
__________________________________________________ ____________________________
أتنين مساطيل حبو يزيفو فلوس , راحوا عاملين فلوس كتير الورقه بـتمنتاشر جنيه , و راحو لواحد صاحبهم و قالو له معاك فكة تمنتاشر جنيه , قال لهم تاخدوهم تسعتين
__________________________________________________ ________________________________
مره واحد مسطول قاعد بيحشش مع مراته لغايه ما نسيوا نفسهم وفجأه حد خبط عليهم فقامت الزوجه وقالت جوزى فقام جوزها ونط من الشباك......
__________________________________________________ ____________________
صعيدي حب يعمل برا ءة اختراع، جاب ضفدعة وقالها "فطي" فقفزت فقام بقطع أحد أرجلها الأربعة وقال لها "فطي" فقفزت فقام بقطع رجل أخرى وقال لها "فطي" فقفزت فقام بقطع الرجل الثالثة وقال لها "فطي" فقفزت قفزة صغير فقطع الرجل الأخيرة وقال لها "فطي" فلم تقفز فقام بكتابة (ملحوظة : عند قطع أرجل الضفدعة الأربعة، تفقد حاسة السمع))
__________________________________________________ _______________________________
مرة اتنين مساطيل قاعدين قدام مراية فى واحد قال متيجى نسلم على الناس الى قاعدة هناك دى، المهم راحو يسلموا فالتانى قاله اقعد اقعد اهم جايين يسلمو علينا
__________________________________________________ ________________________________
واحد مسطول اتصل بشركة الطيران بيسأل الموظفة: الطيارة من هنا لأمريكا تاخد اد اية؟. قالتلة: دقيقه واحدة قالها: شكرا وقفل السكة
__________________________________________________ _______________________________
مره اتنين مساطيل مشين فلقوا واحد مرمى على الارض فالمسطول الاول بيقول للمسطول التانى مش ده عبدو قال له اه قاله مش ده بيته قاله اه قاله طب بينا نطلعه قاله ماشى فالاول بيقول للتانى مش دى شقته قاله اه قاله مش دى أوضته قاله اه قاله طيب ارمى وبعدين نزلوا تانى فلقوه برده مرمى فالاول قال للتانى مش ده عبدو قاله اه قاله مش احنا طلعنا قاله اه قاله طب بينا نطلعه قال له بينا فسالوا البواب مش ده عبدو قال لهم اه فخدو معاهم البواب فقالوا مش دى شقت عبدو قالهم اه مش دى أوضته قال لهم يخرب بيتكو دى البالكونه
__________________________________________________ _____________________________
واحد محشش فتح محل سماه منجره الاقمشه الكهربائيه لحلاقه الاحذيه الطازجه
__________________________________________________ _____________________________
مرة حرامى دخل على واحد مسطول البيت قالو هات فلوسك و الا هقتل مراتك قام الرجل قعد يضحححححححك.......الحرامى قتل مراته وقاله هات الفلوس قبل م اقتل ابنك الرجعل قعد يضحححححححك........الحرامى قتل ابنه و هكذا لغايه لما خلص عالعيله و بيقول للمسطول ايه يا عم مش عايز تدينى فلوسك ليه؟؟؟؟قاله اطلع من دول يا ابرهيم يا نصر
__________________________________________________ ________________________________
ضابط المرور بيحقق فى حادث... سأل الاول .. فرد .. يا بية انا اديتة كلاكس .. واديتة انوار وصرخت فية علشان يبعد ومفيش فايده.. سأل التانى ... فرد ... يابية انا اعمل اية ، انا قاعد فى الكشك بتاعى
__________________________________________________ _____________________________
سألوا بخيل : لو الدنيا برد تعمل ايه؟ قال : اقعد جنب الدفايه قالولوا لو الدنيا برد موت ؟ قال: الزق في الدفايه قالولوا : طب لو الدنيا بقت تلج؟ قال: أمري لله .......... أفتح الدفايه وخلاص
__________________________________________________ _____________________________
واحد قابل واحد اخنف فسالة قالة "انت بتشتغل اية؟" فرد علية الاخنف وقالة "فننان" قالة "يعنى بتغنى" فرد الاخنف "فننان" فرد الاخنف "فننان" قالة الراجل "يعنى اية بتمثل؟" يعنى فرد الاخنف قالة "لا فننان يعنى بحت العيش فى الفن"
__________________________________________________ ______________________________
احد غبى قوى حكموا عليه بالاعدام.عشان مش رادى يعترف. بعد ما علقوه فى المشنقه قعد يشاور ويخبط بأيده ورجليه ففكروه عاوز يقول حاجه مهمه.. ففكوه ونزلوه بسرعه.... فبص لهم وقال: ياجزم كنت هتخنق
__________________________________________________ ________________________________
بلديتنا عايز يعلم ابنه انجليزى راح ابتدائي منفعش، راح ثانوى منفعش، راح الجامعة منفعش، قال لازم اوديه انجلترا واجوزه واحدة من هناك عشان يعرف يتكلم انجليزى، راح فى الصباحية بيقولها "مستر هريدى موجود؟" قلتلوا "نجولو مين؟
__________________________________________________ ____________________________
مره واحد راح السرك وقرر انه يعمل حاجه مختلفه راح جاب نمله وقعد يدربها10 سنين علشان تقف على رجل واحده فراح رايح لولد صغير فى الشارع وقاله بص يا حبيبى النمله دى بتقف على رجل واحده فراح الولد مسك النمله وفعصها وقاله ايه ده يا عمو دى نمله فقرر انه يعيد التجربه وقال عيال صغيره ايه انا هاروح لولد كبير جاب نمله تانى ودربها 10 سنين وراح لواحد كبير فى الشارع وقاله بص النمله دى بتقف على رجل واحده فمسك النمله وفعصها وقاله ايه ده يا عمو انا مش قولتيلك من 10 سنين ان دى نمله
__________________________________________________ ________________________________
واحد رخم دخل أحد المطاعم وطلب صحن فول، وبعدما أنتهي من آكله سأل الجرسون: كم تريد ثمناً للفول، اجابه: 13 قرشاً..مد الخبيث يده في جيبه وأخرج ال13 قرش ورماها على الارض.. وتكرر المشهد 3 أيام متتالية. وفي اليوم الرابع دخل المطعم وما معاه صرافة فاعطى الجرسون ربع جنيه(25) قرش وقال له واحد فول، طبعا الجرسون حب ينتقم منه فاحضر الباقي(12)قرش ورماهم على الارض وقال له خذ الباقي، فاخرج الرخم قرش من جيبه ورماه فوق ال( 12) قرش قرش كمان وقال للجرسون كمان واحد فول
__________________________________________________ _______________________________
مرة واحد مسئول بيفتتح حمام سباحة (للصعايده) فالمدير قال له "ده المنط يا فندم 30متر، قوم نط يا مرزوق" فنط مرزوق . "وده يا فندم منط 50 متر قوم ياعوض نط" فنط عوض ."وده يا فندم منط 80 متر قوم يا نجيب نط" فنط نجيب، فقال المسئول "هايل ..هايل .." قام المدير قال "ولسه يا فندم لما نملى الحمام ميه"
__________________________________________________ ___________________________
مرة ثلا ثة صعايده اتسابقو انهم يجيبو اكبر قطة فالأول راح حديقة الحوانات جاب قطة، فدخل التاني جاب قطة اكبر شوية، فدخل الثالث اسبوع شهر دخلو يشوفو لقوه قاعد فوق الفيل ويقول حتنو نو يعنى حتنو نو
__________________________________________________ ________________________
مدرس بيقول للتلاميذ اكتبوا ورايا ذهب محمد الي الاسكندريه يوم الاربعاء فطالب سأله لو سمحت يا استاذ هي الهمزة علي السطر ولا علي ألف، سكت المدرس شوية وبعدين قاله خلاص يا ابني خليها الخميس
__________________________________________________ ________________________________
واحد في الإمتحان مش عارف يحل والإمتحان كله صح و غلط ، راح مطلع بريزه ولعب ملك وكتابة على اإمتحان خلص الإمتحان في نص ساعة ،طلع البريزة تاني ليييييييييييييييييييييه؟؟؟؟؟؟؟؟؟ علشان يراجع هاهاهاهاها
__________________________________________________ ______________________________
الصعايده بيعملو ايه اول ما بيصحو من النوووووووووم
كل واحد بيزوح على النكته بتاعته
_________________________________________________
واحد غبي معاه 150 جنيه. قاعد يقسمهم ويقول 50 جنيه للسكن، 50 جنيه للأكل، و50 جنيه للبانجو. الباب خبط. مين. افتح بوليس. راح مقطع الخمسين جنيه بتاعة البانجو
__________________________________________________ __________________________
مره 2 فشارين بيفشروا على بعض الاول قالله انا كنت فى الغابه وجالى اسد شافنى اتخض ام ميت قالله يا خرابى وانا كنت فى الصحراء جالى تعبان جريت منه ورا الباب الاول ام قايله مفيش باب فى الصحراء وبعدين قالله استخبيت فوق الشجره قاله مفيش شجر فى الصحره التانى قالله ايه ياعم انت عايزو ياكلنى ولا ايه؟
__________________________________________________ ___________

واحد بلدياتنا وقع من الدور العاشر .. جاله صداع
______________________________________


2 صراصير اتقابلو فى الأنعاش واحد فيهم قال للثانى بيروسول برضه فقاله الثانى لأ شبشب

نكت تجيب الضغط لاصحاب الضغط الواطى بدل الادوية


صخره وقعت من فوق عماره ولوح القزاز الي تحت ما انكسرش ليه؟؟
لأن الصخره ما وقعتش على القزاز.
*********
طيب فرخة تعدى الشارع ماتت فجأة ليه؟؟
لأن الصخره وقعت عليها.
*********
ليه واحد حاطط جنبه كوباية الشاي وهو نايم ؟؟
لأن الشاي منبه.
*********
طيب ليه حاط جنب كوباية الشاي فنجان قهوة ؟؟
عشان اذا رن الشاي.


طيب ليه يحط كوباية مية فاضية وكوباية مية مليانة؟؟
عشان يمكن يشرب ويمكن ما يشربش.
*********
واحد بيحط سكر على الكرسي قبل ما يقعد ،، ليه ؟؟
عشان تكوون القعده حلوووة ،،


حاجه طايرة فى السما وتقووول مياوووووو ،، هى اية ؟؟
قطة بيضاء ، مضروووبة بالشلووت
*********
طيب حاجه سودا طايرة فى السما وتقوول مياووووو ، هي اية ؟
غراب بيستهبل. ههههههههههه
*********
طيب حاجه زرقا طايره بالسما ،، هي اية؟؟
دبانة لابسه بنطلووون جينز أزرق

هي اية الحاجه الي تطفو على سطح الماء وأول حرف منها ق ؟
قطعة خشبه
*********
طيب اية هي الحاجه الي تطفو على سطح الماء وأول حرف منها ب ؟
برضه قطعة خشبه


طيب اية هي الحاجه الي تطفو على سطح الماء وأول حرف منها ن؟؟
نفس قطعة الخشب


طب اية هي الحاجه الي تطفو على سطح الماء وأول حرف منها هـ ؟
هي هي نفس قطعة الخشب
*********
طيب اية هي الحاجه الي تطفو على سطح الماء وأول حرف منها ي ؟
يا ناس ما تفهمون ، قلت لكم قطعة الخشب


.......................يارب يكون الموضوع عجابكم والنكت حلوه.............

الرجوع الى أعلى الصفحة اذهب الى الأسفل
وليد اللول
راكب درجه اولى
راكب درجه اولى
وليد اللول


الجنس : ذكر
عدد المساهمات : 663
نقاط : 1060
تاريخ التسجيل : 15/10/2009

موسوعه للنكت ارجو التثبيت   Empty
مُساهمةموضوع: رد: موسوعه للنكت ارجو التثبيت    موسوعه للنكت ارجو التثبيت   Emptyالإثنين يوليو 04, 2011 11:48 am

هههههههههههههه
هههههههههههههههههههههه
ههههههههههههههههههههههههههه
انا هلكت من الضحك
تسلم ايدك
الرجوع الى أعلى الصفحة اذهب الى الأسفل
 
موسوعه للنكت ارجو التثبيت
الرجوع الى أعلى الصفحة 
صفحة 1 من اصل 1
 مواضيع مماثلة
-
» اكبر موسوعه للنكت
» قلوب تستحق التثبيت
» هدية رمضان المصحف حجم صغير صوت عذب مرتل و مجود و أرجو التثبيت
» موسوعه الرخااااااااااااااامة العالمية
» موسوعه الادعيه الصحيحه

صلاحيات هذا المنتدى:لاتستطيع الرد على المواضيع في هذا المنتدى
منتديات مترو :: محطه كل الناس :: رصيف للخفيف-
انتقل الى: