يا جماعه جتلكم بقصه كوميديه عن بنت وولد
البنت والولد بيحكوا عن يومياتهم
يا رب تعجبكم
اول يوم ( البنت ))
اول يوم كدا ليا في الجامعه ورايحه لبسه لبس زباله
لا طرحه عدله ولا بلوزه حلوة
جاية من شغل في محل فراخ
المهم دخلت السكشن من سكات من غير ولا كلمة مع اي حد
حتي اني من كتر الخرسه الي انا فيها سمعت ولد بيقول : هيا خرسه ؟ يا عيني !
بصتله بصة غاضبه
ابتسم ليا
بصتله بصة احتقار ( وكاني انا الي مش حقيرة باللبس دا )
المهم سمعت صوت الدكتورة بتقول : اتفضلي يا انسه اقعدي
قعدت .. وكان ورايا الولد دا
المهم خرجت من السكشن وانا في نص هدومي من الكسفه
ولقيت الولد بيقولي : حضرتك اسمك ايه ؟
قلتله : بسمه .. بس هتبقي ضربه لو ممشتش من هنا .
قالي : ليه بس ؟ عملتلك ايه ؟ دا احنا حتي لسه اول يوم !!
قلتله : انا مش فاضيه للعب العيال دا .
قالي : انا مش هستني تهزقيني اكتر من كدا .. عموما انا محمد لو عزتي حاجه .
قلتله : ماشي يا محمد لو عزتي حاجه .. ممكن تمشي بقي .
بصلي وهو حزين كدا .. او غضبان من التهزيق
المهم مشي .. وانا مشيت
روحت البيت وانا بتمني انو مش يحصل مبينا كلام تاني
لاني مش طيقاه
فات اليوم ونمت و صحيت متاخره برضو
ورحت لقيت الدكتورة بتقلي : عندك !! اخرجي بره .. دا مش نادي !!
قلتلها : بس الطريق كان واقف و ..
قالتلي : لا واقف ولا قاعد .. برة !!
قام هرقليز الاستاذ محمد لو عزتي حاجه وقال : فعلا يا دكتورة الطيق كان واقف وانا جي .
المهم في النهايه الدكتورة دخلتني
بصلي بابتسامه .. وبصتله بنص ابتسامه
مش عارفه ليه عمل كدا .. رغم اني كنت بتمني انو مش يكلمني تاني
خرجنا بره السكشن .. وكنت ماسكه باديا وسناني في السكشن عشان مخرجش واقابل الغتت تاني
ويا حول الله
لقيته مرمي ع الارض وغرقان في دمه
والكل ملموم حوليه
سالت بكل برود : ايه الي عمل فيه كدا ؟
نوران : فؤاد ضربه لما محمد استفزة .
انا : هو الحجم دا .. يستفز فؤاااااااد بحاله ؟!
نوران : الحجم دا .. يستفز بلد .
رغي رغي رغي انا ونوران لحد ما الواد نقلوه المستشفي
رحنا بعربية نوران وراه
وصلنا لقينا نص السكشن هناك
ولاد وبنات
المهم خرج الدكتور وقال انها كدمه بسيطه
اصرت الزفتة نوران تدخل تطمن عليه بنفسها
ويا ريتها ما دخلت
المهم .. قالت نوران : الف سلامه يا محمد .
محمد : الله يا سلمك يا بسمه .. قصدي نوران .
قعد الزوفت يبصلي لدرجه انه كان هيحول من كتر البحلقه
المهم خرجت الزوفته التانيه جرا وشدا من الاوضه
شكلها كانت نويه علي بيات
ههههههه
المهم خرجنا ولقيت ورقه لازقة في شنطتي
لقيت الخط معفن
المهم لقيت مكتوب في الكرت : مرسي يا عسلي علي الزياره الرقيقه .. محمد !
رجعت المستشفي وانا ناويه اكمل علي راسه بالشومه !!
تاليفي !!
استنونا !!