| مجموعة مختارة من شعر الشاعر ( على سلامة ) | |
|
|
كاتب الموضوع | رسالة |
---|
mamado من اسره مترو
الجنس : عدد المساهمات : 1497 نقاط : 2413 تاريخ التسجيل : 06/10/2010 الموقع : العجوزة-الجيزة
| موضوع: مجموعة مختارة من شعر الشاعر ( على سلامة ) الأربعاء يونيو 22, 2011 1:55 am | |
| مجموعة مختارة من شعر الشاعر ( على سلامة )
خايف اصحى مالاقيش مصر
للشاعر على سلامة
ساعات بقلق بالليل يعني بالليل شوية كده قبل الفجر حسب الظروف كده بعد العصر
خايف يوم أصحي.. وأفتح الشباك.. مالاقيش مصر
ألاقيها لمت هدومها ومشيت لمت هدومها علي نيلها علي هرمها وطفشت وحلفت ميت يمين ماهي قاعدلنا ماهي زهقت.. تعبت.. إتخنقت أصلنا زودناها.. أكننا استعمرناها.. ورثناها
مصر البنوتةالحلوة اللي زي القمر بقت عجوزة وشايبة وبان عليها الكبر
خايف يوم أصحي.. وأفتح الشباك.. مالاقيش مصر | |
|
| |
mamado من اسره مترو
الجنس : عدد المساهمات : 1497 نقاط : 2413 تاريخ التسجيل : 06/10/2010 الموقع : العجوزة-الجيزة
| موضوع: رد: مجموعة مختارة من شعر الشاعر ( على سلامة ) الأربعاء يونيو 22, 2011 1:57 am | |
| امبارح
مش أنا امبارح رحت من بيتنا في السيدة للشغل في حلون في سبع دقايق لا شوفت حد زعلان ولا حد متضايق والورد إنسان والنخل متعايق والناس جميلة مؤدبة والجو رايق والدنيا ماشية لوحدها ولا حد سايق ومش انا امبارح برضه رجعت من الشغل في حلوان لبيتنا في السيدة في خمس دقايق لا حاسس بغربة ولا شايف غريب وقلبي ابيض حليب عندليب كروان فرحان شايل ف قلبي وف جيوبي الفرح أشكال وألوان وزعت ع الشوارع والبيوت والجيران وطلعت البيت ضربت الجرس فتحت مراتي وبالأحضان والعيال كمان فرحانين ناجحين وجايبين الدرجات النهائية من غير دروس خصوصية قمنا رقصنا وغنينا واحتفلنا واتغدينا فضلة خيرك سمك واستاكوزا وجمبري م الكبير وحلينا ب مهلبية وشربنا الشاي كمان وفجأة لقيتني بردان بردان بصيت لقيت الشباك مفتوح ومفيش بطانية ومراتي جنبي وزي ما هيه لسة بتعاني من آلام المفاصل وده اللي حاصل والحمد لله على كل شيء | |
|
| |
mamado من اسره مترو
الجنس : عدد المساهمات : 1497 نقاط : 2413 تاريخ التسجيل : 06/10/2010 الموقع : العجوزة-الجيزة
| موضوع: رد: مجموعة مختارة من شعر الشاعر ( على سلامة ) الخميس يونيو 23, 2011 2:17 am | |
| الفاتَحة ع الأموات
وفضلت أسَِتنى أستّنى…
لَحدّ ما عََدّى اخر قطر وفَات…
حَزنت قَعّدت أعيط أعيّط…
قلت أتمشى أتسلّى…
أتفرج عَ الشّوارع والنّاس والعربيّات…
زهقت…
قُلت أرتاح…
سنَدت عَلَى روُحى…
إتلخبَطتّ جُوّايا كلّ الحَاجَات..
مدّيت إيدى ف جيوُبُى…
لقيت شُوّية وَرَق قديم…
وصَوُر وكرُوت تليفونات….
قُلت أكلم مرَاتى…
افتكرت إنها خدت الدّوا…
ونَاَمت من تلات ساعات….
قُلت أكلم أخُويا….
افتكرت إنه طلعِ مَعَاش مُبكّر…
وكَاَره تاريخُه…
ومركّز ف التّأمينات..
أكلم أُختى…
هاتعيد وتقول نفس الحكَايات…
أكلم خَالىِ….
افتكرت إنه غتت غَتَاتَة…
ومعايا أنَا بالذّات…
أكلَم خالتَى…
قُلت يا وَاد..
دى كانت خالتى وخالتك…
واتفرقّت الخالات…
أكّلم صاحبى صلاح….
افتكرت إنة سافر العراقُ….
وفى إحتمال يكون مات….
قُلت أنا أصطاد مُزة…
واعمل دماغ…
بسّ معرَفش حد بتاع مُخدَّرات…
قُلت أمشى ف مظَاهرة…
لقيت العساكر راجعين…
مشَطبين علَى كل الُمظاهرات…
قُلت اتصل بالسّادة المسئُولين…
هايتّهمونى بإزعاج السُّلطات…
قُلت ياربّ…
هُو أنا إيه…
وليه…
ونسيت إيه…
وقطر إيه اللّى فات….
اَلَلًه يرحَمَك بقَى يَابَا…
والفاتحة عَلَى كُل الأموات….
| |
|
| |
mamado من اسره مترو
الجنس : عدد المساهمات : 1497 نقاط : 2413 تاريخ التسجيل : 06/10/2010 الموقع : العجوزة-الجيزة
| موضوع: رد: مجموعة مختارة من شعر الشاعر ( على سلامة ) الجمعة يونيو 24, 2011 2:44 am | |
| حَظكّ الْيومْ…
بقلم على سلامة حَظّك اليُومْ… زَىّ إمْبارحْ… زَىّ كُل يُومْ… ومَفيشْ حَاجةَ متْغيّرةْ… الْبت الطّويلَة عَايزَاكْ… بَسَ إنت عَيَنكْ ع الْقُصيرةْ… يَا لَئيمْ… بَسّ إبن حَلاَل وطيّب… وتِستاهل كُل خير… وحِتّة سُكّرة… شُوف… الزَّهْرة مع الْمرّيخْ وعَطَاردْ… وشْويّة كَوَاكب كَدهْ… عامَلين معاك شُغل… آخرْ مسْخَرَةْ… تطْلَعْ منْ إنتخَاباتْ… عَلَى استفْتَاءاتْ… وَحَاجَاتْ ومحْتاجَات… وبيعْ وسَمسَرةَْ… وإنتَ ماَشَاء الله عليِك… غَزَالْ يا رَبّى… لاَ هَمّك إشاراتْ… ولاَ مْطّباتْ… ولا شَوَارعْ مِكسّرة… شُوفْ… التّعْليمْ… زَىّ الْقَديم… والصحّة رَبّنا يُسْتُر… مَتتْخَضّش كدَه يَاعَمّ… إيه يَعْنى الْلى جَرَا… عَنَدكْ وحَاجَاتْ… وَحَاجَاتْ تَعْديِلْ… وَحَاجَاتْ… تتْغَيّر ف التّوْكْيل… وَحَاجَاتْ مَعَدْتَش تِنْفَعْ خَالصْ… وحَاجَاتْ عَايزَةْ… بوَية وسَمكّرةْ… شُوفْ… مَعْمولّك عَمَلْ مَرْبُوطْ… فِى ديل قرْد شَقِى وَمحْطُوطْ… فَ حَاجة مدَوَّرْةْ… وبَعْد نُقْطُتينْ… راَيحْ حتّةْ… اللهُ أْعَلَمْ فِينْ… لا ليها عُنوَان منْ قُدّام… ولا مِنْ وَرَا…
| |
|
| |
mamado من اسره مترو
الجنس : عدد المساهمات : 1497 نقاط : 2413 تاريخ التسجيل : 06/10/2010 الموقع : العجوزة-الجيزة
| موضوع: رد: مجموعة مختارة من شعر الشاعر ( على سلامة ) الأحد يونيو 26, 2011 2:51 am | |
| أول يمين
ساعات أحس إني أخرس..
بتكلم مع حد..
مش فاهم لغة الإشارة..
أقوله قلبي تعبان..
يا عم بلاش دخان..
يعزم علي بسيجارة..
أقوله ما تعرفش مصر فين..
يقولي فيه فطاطري كويس..
أول يمين بعد الإشارة..
أقوله أنا فرحان أوي..
يقولي بس لو قربت شوية..
ده لسه القطر طالع..
يا خسارة..
تصدق..
سنين بدور علي صاحبي..
وهو ساكن جنبي..
ف الشقة اللي قصادي..
ف نفس الدور..
ف نفس العمارة.. | |
|
| |
mamado من اسره مترو
الجنس : عدد المساهمات : 1497 نقاط : 2413 تاريخ التسجيل : 06/10/2010 الموقع : العجوزة-الجيزة
| موضوع: رد: مجموعة مختارة من شعر الشاعر ( على سلامة ) الأحد يونيو 26, 2011 2:52 am | |
| بيض بالبسطرمة حبيتها أيام ما كان..
شارع القصر العيني اتجاهين..
كان أياميها ممكن جدًا..
نتعشي بيض بالبسطرمة..
ونشرب شاي بنعناع ف الحسين..
كان لسه رمسيس ف الميدان..
والدنيا أمان ولذيذة..
وكان فيه أهرامات ف الجيزة..
اللي بعد كده اسم الله عليك..
اتبني مطرحها سيرك أبوعزيزة..
ماكنش لسه مترو الأنفاق..
وكنا بنرفض..
أي معني للفراق..
وكان فيه حب من نظرة عين..
تصدق بقي..
كانت البيوت فيها بركة..
رغم المساحات الضيقة..
وكان فيه شوية حاجات جميلة..
ما تعرفش راحت فين..
| |
|
| |
mamado من اسره مترو
الجنس : عدد المساهمات : 1497 نقاط : 2413 تاريخ التسجيل : 06/10/2010 الموقع : العجوزة-الجيزة
| موضوع: رد: مجموعة مختارة من شعر الشاعر ( على سلامة ) الخميس يونيو 30, 2011 2:38 am | |
| بيض بالبسطرمة
حبيتها أيام ما كان..
شارع القصر العيني اتجاهين..
كان أياميها ممكن جدًا..
نتعشي بيض بالبسطرمة..
ونشرب شاي بنعناع ف الحسين..
كان لسه رمسيس ف الميدان..
والدنيا أمان ولذيذة..
وكان فيه أهرامات ف الجيزة..
اللي بعد كده اسم الله عليك..
اتبني مطرحها سيرك أبوعزيزة..
ماكنش لسه مترو الأنفاق..
وكنا بنرفض..
أي معني للفراق..
وكان فيه حب من نظرة عين..
تصدق بقي..
كانت البيوت فيها بركة..
رغم المساحات الضيقة..
وكان فيه شوية حاجات جميلة..
ما تعرفش راحت فين.. | |
|
| |
mamado من اسره مترو
الجنس : عدد المساهمات : 1497 نقاط : 2413 تاريخ التسجيل : 06/10/2010 الموقع : العجوزة-الجيزة
| موضوع: رد: مجموعة مختارة من شعر الشاعر ( على سلامة ) الخميس يونيو 30, 2011 2:39 am | |
| تانية إعدادي بقيت عامل زي الترس ..
اللي بيلف ع الفاضي ..
وآخر الليل لما آجي أنام ..
كل طموحي ..
تزورني ف المنام ..
البت اللي كنت بحبها ..
وأنا ف تانية إعدادي ..
مابقتش عارف ..
آخد بالي من صحتي ..
ولا من جيبي ..
ولا من ولادي ..
بس ساعات بحس ..
إني مكبر الموضوع ..
و إن كل ده عادي ..
لما اكتشفت أخيرًا ..
إن ف العتمة ..
عزبة خيرالله.. ما تفرقش ..
عن مصر الجديدة ..
والزمالك ..
والمعادي ..
| |
|
| |
mamado من اسره مترو
الجنس : عدد المساهمات : 1497 نقاط : 2413 تاريخ التسجيل : 06/10/2010 الموقع : العجوزة-الجيزة
| موضوع: رد: مجموعة مختارة من شعر الشاعر ( على سلامة ) الجمعة يوليو 01, 2011 5:30 am | |
| أنا المواطن نقط نقط نقط
يكون في علمك انا مش جبان
ولا بتهان وأسكت زى زمان
أنا بصرخ وأكتب وأبعت وأتكلم ... وأسمع بقى يا معلم ... أنا المواطن نقط نقط نقط.... رقم قومى نقط نقط نقط... محل الأقامة نقط نقط نقط بجوار البنزينة
بصراحة حرام تعملوا فينا نقط نقط نقط... وتطلعوا نقط ونقط أهالينا ... عملتوا انتخابات وكلها نقط نقط نقط ... وشيلتوا وحطيتوا حاجات نقط نقط نقط ... بصراحة ... أنا بقيت قدام مراتى حاسس انى مش نقط خالص ... وأقولها نفسى أبقلى نقط بجد .. تقولى يا اخويا ماتحرقش دمك محدش بينفع حد... حسك ف الدنيا .. بكرة تبقى نقط نقط نقط ....!!! | |
|
| |
mamado من اسره مترو
الجنس : عدد المساهمات : 1497 نقاط : 2413 تاريخ التسجيل : 06/10/2010 الموقع : العجوزة-الجيزة
| موضوع: رد: مجموعة مختارة من شعر الشاعر ( على سلامة ) الأحد يوليو 03, 2011 2:02 am | |
| كتاب القراءة
بمنتهي البراءة سأليتني بنتي نور ف أربع خمس أمور مش ف كتاب القراءة قالتلي بابا بابا مش إنت .. يا بابا بتكتب أغاني وتقول أشعار أنا سمعت الشيخ يا بابا بيقول إنك يا بابا ها تروح النار زي الوحشين يا بابا الحراميين الكفار قوللي يا بابا يعني إيه إستعمار يعني إيه نيل يعني إيه هرم ومين اللي حط النسر فوق العلم يعني إيه يا بابا إستفتاء و يعني إيه إنتخاب ويعني إيه حر ويعني إيه نصاب يعني إيه إختلاس ويعني إيه هجاص ويعني إيه خصخصة يعني إيه يا بابا دستور يعني إيه معارضة ويعني إيه مظاهرة وليه النهاردة خدنا أجازة م المدرسة قوللي يا بابا يعني إيه قهر وفين خط الفقر ويعني إيه حظ ويعني إيه زهر يعني إيه يا بابا حريه يعني إيه إنسان ويعني إيه سرطان يعني إيه يا بابا خربوها وكنت فين لما خربوها ومين دول يا بابا ولاد القطقوطة ومين دي سمارة يا بابا وإزاي يا بابا ضاعت من قلبك يا بابا إنت معايا فيه يا بابا ناس بتقول كفايه وفيه كمان عساكر مسكين عصايا وبنات متعورين وتانين ماشين بيضحكوا هما دول إسرائلين يا بابا ويعني إيه ويعني إيه قولتلها نور ممكن أسألك سؤال قالتلي إتفضل يا بابا قلتلها هيه قناة سبيس تون رقم كام وخدتها عشان تنام | |
|
| |
mamado من اسره مترو
الجنس : عدد المساهمات : 1497 نقاط : 2413 تاريخ التسجيل : 06/10/2010 الموقع : العجوزة-الجيزة
| موضوع: رد: مجموعة مختارة من شعر الشاعر ( على سلامة ) الأحد يوليو 03, 2011 2:04 am | |
| بوابة تفتيش
( علي سلامة )
بوابة تفتيش على بابك كل ما احاول اعدي تزمر وبتتشرط .. وبتتأمر ارجع ادور وتاني ادور وكل ما احاول اعدي تزمر
طب ادي الساعة .. وادي حزامي والولاعة .. وادي حكايتي ..وادي امارة ودي عنواني ..والنضارة .. حتى الفكة الباقية في جيبي .والاشعار .. والمحفظة مفهاش غير صورتك ليل ونهار .
...... زي ما نازل من بطن امي من غير حتى ورق التوت وكل ما فوت .. البوابة بردك بتزمر
...
لحد ما شفني واحد ملحراس.. وقالي اسمعني يابن الناس ...... ارمي الحتة الحلوة في قلبك .............وفوت والبوابة عمرها ما تزمر .......
| |
|
| |
mamado من اسره مترو
الجنس : عدد المساهمات : 1497 نقاط : 2413 تاريخ التسجيل : 06/10/2010 الموقع : العجوزة-الجيزة
| موضوع: رد: مجموعة مختارة من شعر الشاعر ( على سلامة ) الإثنين يوليو 11, 2011 5:33 am | |
| تحت الشجرة
إنت يا عم..
يا أخ..
يا اللي هناك ف الصورة..
ماينفعش تسلم قفاك لحد..
وبعدين تطلب منه فاتورة..
خليك منطقي وحنين..
أنا مثلا..
من وأنا آد كده..
بحلق تحت الشجرة..
عند عم زكريا المزين..
راجل مذاكر دماغي كويس..
وأنا أصل دماغي..
مفتوحة م الناحيتين زي الماسورة..
حاسب بس من الكرسي..
أحسن رجليه مكسورة..
سلامتك يا راجل يا طيب | |
|
| |
mamado من اسره مترو
الجنس : عدد المساهمات : 1497 نقاط : 2413 تاريخ التسجيل : 06/10/2010 الموقع : العجوزة-الجيزة
| موضوع: رد: مجموعة مختارة من شعر الشاعر ( على سلامة ) الخميس سبتمبر 08, 2011 3:33 am | |
| تقريباً
ولسه هاتشوف وتتفرج..
يا ابن آدم..
طول ما انت عايش..
مش عارف عندي إحساس..
إن مصر حد شّمْمها حاجة ف المولد..
وسرق منها الغوايش..
واداها صرة مربوطة..
لما فاقت وفتحتها..
لاقتنا..
بجد بجد..
يا حلاوتنا..
نُصنا بيدّور
علي علاج للحموضة..
والنُص التاني..
شوية حاجات..
مش موجودة..
عموما أنا عملت محضر ف القسم..
تاخد رقمه.. | |
|
| |
mamado من اسره مترو
الجنس : عدد المساهمات : 1497 نقاط : 2413 تاريخ التسجيل : 06/10/2010 الموقع : العجوزة-الجيزة
| موضوع: رد: مجموعة مختارة من شعر الشاعر ( على سلامة ) الأحد فبراير 12, 2012 4:32 pm | |
| ساعات كده
ساعات كده
تقفل معايا
من كل الجهات
كأنى عصفور بيتخنق
امد ايدى
اطفى المكيفات
وارمى المسكنات
وافتح للضى شبابيكى
واقوله هات
واشتاق
لنسمة هوا بكر
لحلقة ذكر
ولحضن امى
اللى مات م الفكر
وصاحبى
اللى من شوية فات
من غير ماياخد باله
كده
بدون سبب | |
|
| |
mamado من اسره مترو
الجنس : عدد المساهمات : 1497 نقاط : 2413 تاريخ التسجيل : 06/10/2010 الموقع : العجوزة-الجيزة
| موضوع: رد: مجموعة مختارة من شعر الشاعر ( على سلامة ) الإثنين فبراير 13, 2012 4:25 pm | |
| اللهم أجعله خيــــــر
نفسي أتمطع أنزل .. اطلع أحلق أقرع وأتشجع وأقلع كل هدومي القديمة وأرمي الحاجات اللئيمة وأبقى حر كده زي الطير نفسي أضحك من قلبي من غير ما أخاف وأقول اللهم أجعله خير يا أخي نفسي مرة أغير خط السير يعني مش زي ما روحت لازم أرجع نفسي أفرح بضحكتك من غير ما أخطفها منك أو أحسدك أو أطمع نفسي أبص م الشباك براحتي وأقول ياه الله يا بختي نفسي أحس من تاني بالجمال يا سبحان من أبدع نفسي يبقى لية لازمة ف وقت الحزن .. والأزمة تلاقيني ببني بصلح بغير بحلم يعني أنفع نفسي ده يحصل قبل كل شيء جوايا .. ما يعجز أو يودع نفسي أحب من تاني .. النهار والعمار يعني بأختصار نفسي أرجع تاني بني أدم تفتكر ده ممكن ..؟؟؟؟ وأنا ولا بشوف .. ولا بسمع | |
|
| |
mamado من اسره مترو
الجنس : عدد المساهمات : 1497 نقاط : 2413 تاريخ التسجيل : 06/10/2010 الموقع : العجوزة-الجيزة
| موضوع: رد: مجموعة مختارة من شعر الشاعر ( على سلامة ) الخميس فبراير 16, 2012 12:06 am | |
| ثقافــة فيه ناس لما تضايق تملا البانيو وشوية بخور وشمع ومزيكا واغاني أو تروح تحكي وتاخد وتدي مع طبيب نفساني أو تطلع شرم الشيخ تاني ودي ثقافة .. وفيه ناس لما تتخنق ترجع تقلب ف اللي فات وتجيب الصور والذكريات وتاخد جوافة وبلح أمهات وتروح تزور الميتين ف القرافة ودي ثقافة .. وناس تلم العيال وربع لب ونص سوداني وفيلم قديم لإسماعيل ياسين أو نجيب الريحاني أو تعدي ع الحلواني وكيلو مشكل وتكتر الكنافة ودي برضه ثقافة .. والكل مجروح ونفسه يبوح بس مش عارف | |
|
| |
mamado من اسره مترو
الجنس : عدد المساهمات : 1497 نقاط : 2413 تاريخ التسجيل : 06/10/2010 الموقع : العجوزة-الجيزة
| موضوع: رد: مجموعة مختارة من شعر الشاعر ( على سلامة ) الجمعة فبراير 17, 2012 12:40 am | |
| كل سنه وانتي
كل سنه وانتي الاميره وانتي البصر والبصيره متستغربيش ان لسه الحرامي حرامي وهي هي الوشوش والكدب ونفس الاسامي والنفوس الحقيره لسه حقيره متستغربيش من نغس السؤال والدهشه والحيره عايز اقلوك سر ابني الصغير بيحبك اوي اعملي معروف اوعي تجيبي لحد سيره ولسه في ناس بتكتب شعر وبترسم وتغني وف قلوبهم احلام كبيره كل سنه واحنا جوانا بقايا م الفرح قادرين نضحي كل سنه وانتي غنوه عشق بتصحي فينا البني ادمين وبتصحي اوعي يامصر يهزمك الحزن وتهربي وتقولي زهقت وتتنحي اوعي اعملي معروف ! | |
|
| |
mamado من اسره مترو
الجنس : عدد المساهمات : 1497 نقاط : 2413 تاريخ التسجيل : 06/10/2010 الموقع : العجوزة-الجيزة
| موضوع: رد: مجموعة مختارة من شعر الشاعر ( على سلامة ) السبت فبراير 18, 2012 12:40 am | |
| الشعر عيره
الشعر عيره والكحل عيره والورد فوق الخد ولحد الضفيرة عيره الصبر عيره والضحك عيره والفرح والأحزان كمان وحاجات كتيرة
حتى الحنان جوا البيوت حتى الكلام حتى السكوت حتى الهتاف جوا المسيرة برضه عيره حيرنى حيرة
بقينا أيه؟ حبة حاجات قمصان بدل على بالونات مبقتش شايف أيه اللى جاى وايه اللى فات
ده ازرق ده ولا أحمر رمادى ودى كارثة ولا ده وضع عادى
وده طفل ولا راجل عجوز وده أيه ده راخر جايز يجوز
نعسان ده ولا ساكت وسايق بردان ده ولا ده دور وداير وده أحلى ولا الكل حاير
الشعر عيره والكحل عيره والورد فوق الخد ولحد الضفيرة عيره الصبر عيره والضحك عيره والفرح والأحزان كمان وحاجات كتيرة | |
|
| |
mamado من اسره مترو
الجنس : عدد المساهمات : 1497 نقاط : 2413 تاريخ التسجيل : 06/10/2010 الموقع : العجوزة-الجيزة
| موضوع: رد: مجموعة مختارة من شعر الشاعر ( على سلامة ) السبت فبراير 18, 2012 10:51 pm | |
| الفاتَحة ع الأموات وفضلت أسَِتنى أستّنى…
لَحدّ ما عََدّى اخر قطر وفَات…
حَزنت قَعّدت أعيط أعيّط…
قلت أتمشى أتسلّى…
أتفرج عَ الشّوارع والنّاس والعربيّات…
زهقت…
قُلت أرتاح…
سنَدت عَلَى روُحى…
إتلخبَطتّ جُوّايا كلّ الحَاجَات..
مدّيت إيدى ف جيوُبُى…
لقيت شُوّية وَرَق قديم…
وصَوُر وكرُوت تليفونات….
قُلت أكلم مرَاتى…
افتكرت إنها خدت الدّوا…
ونَاَمت من تلات ساعات….
قُلت أكلم أخُويا….
افتكرت إنه طلعِ مَعَاش مُبكّر…
وكَاَره تاريخُه…
ومركّز ف التّأمينات..
أكلم أُختى…
هاتعيد وتقول نفس الحكَايات…
أكلم خَالىِ….
افتكرت إنه غتت غَتَاتَة…
ومعايا أنَا بالذّات…
أكلَم خالتَى…
قُلت يا وَاد..
دى كانت خالتى وخالتك…
واتفرقّت الخالات…
أكّلم صاحبى صلاح….
افتكرت إنة سافر العراقُ….
وفى إحتمال يكون مات….
قُلت أنا أصطاد مُزة…
واعمل دماغ…
بسّ معرَفش حد بتاع مُخدَّرات…
قُلت أمشى ف مظَاهرة…
لقيت العساكر راجعين…
مشَطبين علَى كل الُمظاهرات…
قُلت اتصل بالسّادة المسئُولين…
هايتّهمونى بإزعاج السُّلطات…
قُلت ياربّ…
هُو أنا إيه…
وليه…
ونسيت إيه…
وقطر إيه اللّى فات….
اَلَلًه يرحَمَك بقَى يَابَا…
والفاتحة عَلَى كُل الأموات….
| |
|
| |
| مجموعة مختارة من شعر الشاعر ( على سلامة ) | |
|