الليلة .... الليلة
الليلة توبي وارجعي وانشري في ليل الضياع حلمات اسى
وابقي البلاد الما غشاها غنى الدوالي ولا ضحك فيها المساء
لو كان تفيد حزنك دموع كيفين عيونك تحبسا
الليلة ... الليلة
الليلة توبي وعيشي بامل السماح
والغايب امكن ما نساك امكن مع الايام هناك ياداب يلملم في الجراح
امكن سنينو الباعها ليك لليلة ما لاقت صباح
معاك الربيع ايامو شوفتك والربيع اتلاشى راح
تلقيهو في دمعات مسافر ولا ببكي وسط رياح
الليلة توبي على حنين تم من لقياك حول
مطلوق على وعدك غناه ولسه يتشابا الوصول
واسالي الميعاد مصيركم كان يجيه الليلة قول
والاماني الباقية منسج باقية ديمة لزهر البنفسج
وا ضياع لون القبيل
__________
وراك الليل صبح ليلين وضي الشمعة ما نور
وقت ردك يطول مني يسهرني معاي يسهر
وعذاب الشوق يبكيني اقول انساكي لو اقدر
اجيب سيرتك واضم صورتك واترجاكي ما بفتر
_________
بلاك لو شفتي يا حلوة بقت دنياي ما دنيا
لا جاب الخريف غيمة ولا الكلمات بقت غنية
وردك مهما طول وغاب ولسة برضو لي منية
تردي ولا ما تردي حروفك عندي بالدنيا
_________
عشانك ابقى زي رحال اطوف الدنيا زي عصفور
يداري الدمعة في عيونو ويقبل قسمة المقدور
يصارع في قساوة الريح وشايل لصغارو زهوور
يامل في وصول عشه ويوصل بجناح مكسووور
حمد الريح