(29 جنيهًا) سعر كيلو اللحم ابتداءً من السبت المقبل

أطلقت وزارة الزراعة مبادرةً جديدةً لرفع المعاناة عن المواطن المصرى؛ تهدف إلى توفير اللحوم بأقل الأسعار؛ حيث تبدأ شركة "وحدة النيل للحوم"، السبت المقبل، في طرح كمية كبيرة من اللحوم يتم بيعها للمواطنين عبر منافذ وزارة الزراعة والقوات المسلحة، على ألا يتعدى سعر كيلو اللحم البلدي 29 جنيهًا.



وقال الدكتور إميل إسكندر، مدير عام الشركة، إن الشركة تهدف إلى الوصول بمعدل الإنتاجية إلى 450 عجلاً يوميًّا، سيتم نقلها عبر السيارات المبردة؛ لضمان وصولها محتفظةً بجودتها، مشيرًا إلى أن الشركة رفضت نقل اللحوم بالطائرات كما يحدث؛ نظرًا لما يطرأ عليها من تأثيرات سلبية، سواء في المذاق أو الجودة؛ نتيجة ذلك.

وأضاف أن الإشراف على المشروع سيتم بالتعاون بين وزارة الصحة ومصلحة الرقابة البيطرية وهيئة الرقابة على الصادرات والواردات، مؤكدًا أن الشركة تخسر جنيهين في كيلو اللحم من أرباحها في إطار دورها الاجتماعي ومراعاة للظروف الحالية، وأن المنافذ سوف تغطي كل أنحاء الجمهورية.

معقوله الكلام ده
يا ريت
بس المهم التنفيذ

يسلام والله زمان يا لحمة على كده بقى انا هنام جنب الجمعية الاستهلاكية من النهاردة علشان بكرة هيبقى الدم للركب
شكرا اخى رسلان على موضوعك اللى شبعنى
وتقبل مرورى

فى مظاهرات يناير 79 كان شعار اللى بيهتف بيه المتظاهرين
سيد بيه...سيد بيه كيلو بقى بجنيه.......... كان سعره 67 قرش
سيد بيه هو سيد مرعى رئيس مجلس الشعب وقتها
شفت بقى الاقتصاد اتقدم ازى مع المنكوس حسنى يعنى الجنيه كان يساوى 100
جنيه فى ايامه الغبرة
تعرف يارسلان انا فى راى يبعدوا الدكاترة من الاقتصاد هما اللى خربو البلد بنظرياتهم
شوف واحد راجل بسيط ولا متخرج من جامعات امريكا ولا اقتصاد وعلوم سياسيه
ااقصد سيد السويركى صاحب محلات التوحيد والنورراجل لا ربا فى معاملاته وماشاءالله احسن من عمر افندى الف مرة شوف اصوله الثابته اراضى ومحلات ملكه قد ايه................. عارف لو مسكه دكتور من دول حيسرح العماله ويجيب ضروفه تانى يوم.

ايناس جوهر كتب:

معقوله الكلام ده
يا ريت
بس المهم التنفيذ

هنشوف يا ايناس
كل شىء وارد من المحتمل هناكل لحمه رخيصه
بس يريت اعضاء الحزب الفاسد ميلموش اللحمه ويوزعوها للكلاب
علشان يكذبوا الخبر
شكرا اختى تقبلى تحياتى

الكونغ فو كتب:

يسلام والله زمان يا لحمة على كده بقى انا هنام جنب الجمعية الاستهلاكية من النهاردة علشان بكرة هيبقى الدم للركب
شكرا اخى رسلان على موضوعك اللى شبعنى
وتقبل مرورى

برنا يتممها على الخير يا كونغ فو
ليه لا يمكن تكون اللحمه مجهزه ومستويه مش ثوره
وكمان يمكن الناس اللى انته عارفهم يسموها حكومة اللحمه
عموما انا مش فاضى الايام دى علشان مشغول فى امتحانات الثانويه العامه كمراقب
ابقى احجزلنا معاك ومتنساش ركاب المترو والنبى ياشيخ
شكرا لمرورك الكريم
وتقبل تحياتى
رسىن

مش بقولك انك مبدع ياعمى ربيع
وكمان موسوعه تاريخيه فى الثورات
صدقنى انا نسيت بس انته اللى فكرتنى
سيد السويركى راجل كان بيشتغل من اجل ان ينجح ولاكن مين سابه فى حاله
اشرف السعد نجح ومبارك واولاده سلطوا عليه العادلى اخدوا عماراته وشققه وكمان طمع شويتن قام اخد مراته

نظام مبارك كان ماشى على اساس الكعكه فى ايد اليتيم عجبه
فكرتنى والله انته فاكر زمان لما جابوا االدجاج الفاسد قطع اوراك وافخاد واكتاف واصلا كان مستورد من اجل القطط والكلاب وضحكوا على الناس واكلوهولنا
زى ما اكلنا واخد فلوسنا
عشت يا مبدع وعاشت ايديك ربنا يخليك لاسرتك وللمترو وللاعضاء واخيرا اشكرك على التعليق الرائع جداااااا وتقبل تحياتى
اخيك / رسلان

اعتقد ان الجزارين هيلموا اللحمه دى من السوق وهيبيعوها تانى للغلابه ب 70 جنيه
ده غير محلات الكباب والكفته
المشكله ان الغلبان فى البلدى مبيلقاش حد يحرس لقمته
ويجعله عامر

جميله محمود كتب:

اعتقد ان الجزارين هيلموا اللحمه دى من السوق وهيبيعوها تانى للغلابه ب 70 جنيه
ده غير محلات الكباب والكفته
المشكله ان الغلبان فى البلدى مبيلقاش حد يحرس لقمته
ويجعله عامر

__________________
معاكى حق ياجميله ماهو الجشع متملك فى الجزارين وعمرم ما هينضفوا
شكرا لرد وزيارتك لصفحتى وتقبلى
تحياتى /////// رسلان