يا من صنعتوا الثورة انقذوا الثورة

ازاي تقتل ثورة في 100 يوم التنويم المغناطيسي للشعب ...بمعني.. اني كمجلس عسكري (حاكم للبلاد وليس كقوات مسلحة .. واأكد اختلافي مع المجلس العسكري وليس القوات المسلحه المصريه).. اقول اني بنحاز الى جانب الثورة من أول لحظة..بينما انا سايب ثغرات للبلطجية كانو بيدخلو منها يقتلو الثوار او إني أقول اني بحمي الثورة وشرعيتها..بينما أصريت على استفتاء فرق صفوف الشعب وأهدر ملايين (برغم ان كل القوى السياسية تقريبا كانت رافضة فكرة الاستفتاء).. وأحييت نفس مواد من الدستور القديم اللى الثورة أسقطت شرعيته واحط مواد كتير لم استفتي الشعب عليها منها مواد بتنقل السلطات المهولة من رئيس الجمهورية للمجلس العسكري وبعدين بعد ما اعمل الاعلان الدستوري وانزل قانون الاحزاب السياسية (اللي مش هيدي فرصة لأي شباب يشاركو بجد ويكونو أحزاب) اعمل حوار وطني فيه اعضاء من الحزب الوطني المنحل ومستضفش الشباب واتجاهل بعض القوى السياسية واقول للناس تعالو نتكلم.. وبعدين أعلن إني بدعم الديموقراطية وبعد كده بقى.. اروح أضرب (برصاص او صواعق كهربا زي بتاعة أمن الدولة) أي حد يتظاهر أو يعتصم في ميدان التحرير واسيب البلطجية تدخل تضربهم بردو.. واقتحم الحرم الجامعي واضرب الطلبة اللى بيعترضو على عميد كلية او رئيس جامعة فاسد.. واعتقل العامل اللي بيطالب بحقه او بيحارب الفساد واسيب اللي بيأيدو المخلوع ويطالبو بعدم محاكمته يجيبو تورته ويحتفلو قدام ماسبيرو ولما الناس تيجي تقولهم بلاش اجي اضرب الناس اللى بتقولهم بلاش واسيب الشرطة تروح تحتفل معاهم.. وتسيب حوادث البلطجة والضرب بالرصاص والمولوتوف (اللى كانت كلها في وقت واحد بشكل عجيب) من غير ما تنجد الناس وتقولهم خلي الثورة تنفعكو يعني بالمختصر.. اختصرت أمن الوطن في ميدان التحرير.. وسبت شوارع مصر لبلطجة الشرطة (اللى متعلمتش لسة يعني ايه احترام المواطن وحمايته) قبل البلطجية نفسهم.. واقول بعد كده اني بعمل على استقرار الوطن ودفع عجلة الإنتاج نيجي بقى للاقتصاد.. لما اقول ان الثورة أضرت بالاقتصاد.. واسيب التجار يسحبو الرز والدقيق من السوق بودن ظوابط وسعرهم يغلى.. فالناس تقول الثورة مجتش علينا غير بالخراب لما أغرم حرامي ومختلس زي العادلي 13 مليون من ثروة 17000 مليون.. وفي ناس تانية بتاكل من الزبالة.. واقول للناس انا اسف بس مش هنقدر نحققلكم العدالة الاجتماعية علشان الثورة اضرت بالاقتصاد والموازنة العامة مش هتسمح بتحقيق العدالة الاجتماعية.. واجي اقول في الاخر اننا بنعمل على استعادة الاقتصاد المصري عافيته او اطلع في تليفزيونات أضلل الناس في استفتاء مكنش ليه أي علاقة من قريب أو بعيد بالدين واقولهم قولو نعم علشان الدولة تبقى اسلامية.. أو قساوسة يقولو للناس قولو لا علشان الاسلاميين ميمسكوش البلد ويقتلوكو اني ارفض اسلم السلطة لمجلس رئاسي مدني واقو لده أمر غير وارد لان مفيش طريقه نقدر نختار بيها اعضاء المجلس ده.. مع اننا قدرنا نوصل لطريقة في الاستفتاء اللى مكنش ليه أي لزوم حقيقي.. وكأننا أول ناس هنعمل مجلس رئاسي مدني في الدنيا اني أرفض ان اى حد ينتقدني وأقول مينفعش حد ينتقد القوات المسلحة..رغم اننا بننتقد آدائها في حكم البلاد.. متدخلناش يعني في أي شئون عسكرية أصلا إني اصدر قرار بعدم نشر أي حاجة في وسائل الاعلام او الجرايد تخص المجلس العسكري بدون الرجوع للشئون المعنوية اني اعتقل الشباب وانفي اني اعتقلتهم وأقول مفيش أي معتقلين بعد 25 يناير في السجون وبعدين الناس تكتشف بمحض الصدفة ان ولادهم مش في السجون وان اللى دفنوهم مش ولادهم اني لما اعتقل بنات معتصمين اعملهم اختبار كشف عذرية وشباب اعذبهم زي سلخانات أمن الدولة اللي بقى اسمها الجديد الأمن الوطني بالظبط.. ولما اعلامية تواجه لواء من الشئون المعنوية بالكلام ده يقولها منظمات حقوق الانسان والثوار بيقبضو بالدولار والبنات والولاد بينامو مع بعض في الخيم وبعد كل الكلام اللي فات ده نقدر نسأل سؤال بسيط.. ياترى مين اللي بيضر باقتصاد البلد.. وبيفتح الباب للفتنة الطائفية.. ويوجه الاعلام لتضليل الناس.. ويسمح ببلطجة الشرطة قبل البلطجية نفسهم.. ويشوه صورة الثوار في فكر الناس البسيطة ياترى مين اللى بيقود الثورة المضادة؟ من يومين قاضي في تونس طلع في فيديو اتسرب على النت وصرح ان قائد الجيش هناك خطط بالفعل لتنفيذ سيناريو الجزائر.. اللى هو الالتفاف على الثورة عن طريق بعض القوى السياسية وبعدما يسيبهم يوصلو للحكم هيفتعل حوادث وتفجيرات يعلن بعدها الاحكام العرفية ويوصل للحكم الناس في تونس فهمت.. وقررت تنزل للشوارع تاني تونس فهمت.. يارب احنا كمان نفهم

مشكله الثورة فى مصر اها خرجت من الشعب كله ولم يكن لها قائد او حزب يوجهها
كان المطلب الوحيد هو اسقاط النظام
ولم يكن فى عقل احد ماذا بعد اسقاط النظام
ولقد توصلت بعض القوى الوطنيه الى فكرة ايجاد مجلس من الحكماء يثق فيهم الشعب مهمت هذا المجلس ادارة البلاد الى ان يتولى البلاد رئيس منتخب جديد
ولكن للاسف
استولى على ثمرة الثوره المجلس العسكرى
وان كان له بعض الاخطاء
فان له مزايا كثيره بعد اختفاء الشرطه من المشهد تماما
وربنا يستر على البلاد
وتمر الفتره الحرجه بسلام

كل ما يدور هذه الايام وما سيأتى من تدبير عناصر من النظام السابق لجعل الشعب يقول ولا يوم من ايامك يا مبارك ولكن دولة الظلم ساعة ودولة الحق الف ساعة
وشكرا على مرورك اختى سهر

ان ما يحدث الان كان يحدث اكثر منه فى عهد الرئيس المخلوع
وعلى العموم
الثورة قامت سارت فى طريقها
وواهم من يتخيل انه سيعيد عقارب الساعه الى الوراء مرة اخرى

نعم اخى وليد قول للزمان يرجع يا زمان
وشكرا على مرورك الكريم

ان نثق فى القوات المسلحة ثقة عمياء فذلك ليس المشكلة ولكن المشكلة ان نغمض عيوننا ونسد اذننا ولا نسأل أنفسنا عن:
العلاقة بين النطق بالحكم على العادلى واحداث العنف الاخيرة على الكنائس والاقسام مرة اخرى.
العلاقة بين دخول مرتضى منصور السجن واعلانه الترشح للرئاسة فور الخروج والتصريح برؤيته للفاسدين بالداخل "دخل فى ايه وخرج فى ايه".
عدم نقل الرئيس المخلوع لمستشفى السجن رغم حبسه احتياطيا "هو فى مصر اصلا" وامتلاء الصحف بالاخبار عن حالته ومفيش صورة واحده ليه من المستشفى الخمس نجوم بتاعته
شفنا صور لعز فى السجن ولصفوت والمغربى والعادلى فين علاء وجمال الكاميرات جت عندهم وخربت
هناك اشياء تشعرنا بصدق ما نسمع فى ظل عصر عشناه مخدوعين من كل رموز الدولة السابقين الفاسدين ، منها الاعلان بالصوت والصورة عن محاكمات هؤلاء الفاسدين سارقى الشعب
سؤال للمجلس العسكرى:
لو قمت اليوم بسرقة أحد البنوك وتم القبض على ، وعند التحقيق معى مرضت مرضا شديدا ، اى مستشفى ستودعونى ؟
طبعا لو قدرت اعمل كده اتمنى مستشفى شرم الشيخ اصلى عمرى ما رحت شرم
وبالمرة أتأكد هو حسنى هناك فعلا ولا حطين مخدة تحت الملاية

بعد التفحيص والتمحيص اقر الراجل اللى منجد مخدات المستشفى ان ما فيش ولا مخده قبلة تلعب دور الدوبلير لحسحس وانه فعلا مش فى مصر ويجعله عامر

اولا الوضع غير مطمئن على الاخر
فتنه بين المسلمين والمسيحيين
وانفلات امني رهيب اقول ربنا يهدي سرهم
ويحمي مصر القلب النابض للامه العربيه

تحياتي

اللهم ابطل كيد الكائدين واجعل مصر امنه مطمئنة كما ذكرتها فى القرأن بالامن
وشكرا على مرورك القدير