يا زمن مادى
يا زمن مـــــادى وعصــــر جبـــان
فيه الإنســـــــــان مبقاش إنســــان
و لا فيه رحمــــه يا نــــاس وحنان
ضــــاع الحـــب كــــأنه ما كـــــان
و الإنسان أصبــــــــح مابقاش انسان
ميهموش غير بس المادة
عمّـَــــال يكنز مال أو فضــــــــه
فجأة يلاقى العمر أهو عدى
والموت جاى ياخده فى أحضانه
قولى هتعمل وقتها إيـــــــه
لما تكون فى القبــــر لوحـــــدك
واما يحاسبك فيه ملكيـــــن
يسألوا فيك هتقول مين ربــك ؟
مش هتلاقى إجابة ساعتها
أصل حياتـــــك إنت فنتهــــــــــا
فى الشهوات وفى حب الدنيا
مـــع إنهــــا غــدارة وفانــيـــــه
بتبيع وبتتخلى فى ثانيــــــــة
دنيا غرورة ما ليها أمــــــــــان
يا زمن مادى وعصر جبان
****
اصحى وفوق بقى م الغيبوبة
الحق نفسك وانـــــــوى التوبة
سيبك م الدنيا المعيوبـــــــــــة
و ارجع للــــــه الرحمــــــــــــن
هوَّ لوحده هيصلح أمـــــــرك
يسعد قلبك فى بقية عمــــــرك
واما تموت والقبر يضمــــــك
هتكون من أهل الإحســــــــان
حافظ دايما على عباداتــــــــــك
واخشع فى سجودك وصلاتك
واوعى تضيع فى اللهو حياتـك
وتكون من أهل الخســـــــران
إخلص عملك واعبد ربــــــــك
وكمـــــان حق الحـــق بقلبــك
تلقى الجنة أهه بتندهـــــــــلك
وتـــــكون من أهل الإيمــــــان
وآخر كلمة حقولها عشـــــان
الإنســــــان يرجــع إنســـــــان
حكمة عظيمة من القـــــــرآن
قــــال سبحـــــانه عالى الشأن
{ اعلموا أنما الحياة الدنيا لعب ولهو وزينة وتفاخر بينكم وتكاثر فى الأموال والأولاد كمثل غيث أعجب الكفار نباته ثم يهيج فتراه مصفرا ثم يكون حطاما وفى الآخرة عذاب شديد ومغفرة من الله ورضوان وما الحياة الدنيا إلا متاع الغرور }
للشاعر محمد الخطيرى
