اصل الحكايه من البدايه ملغبطه
ومخبطه
خليك معايا وشوف كده!!
مين الغلط
م الابتدا؟؟؟
اصل الولد رايح خلاص المدرسه
والكتاب محتاج معاه مترجمه
واناهنا
كل ماترجم سطر تغلبني اللغه
وارجع اقف عند خبرمكتوب عليه
لا مبتدا
ينفع كده؟؟ا
مش باقولك
الحكايه م البدايه ملغبطه
ولبست نضاره سودا متسالش ليه
من الاكتئاب
ولاقولك
.......
ماشيها موضه يابيه
اصله عادي كله عادي
نتفق او نختلف
باه كل عادي فينا.....يعادي!!!
ماعلينا
مش باقولك الحكايه من البدايه ملغبطه
وقولت اعيش حلم الشباب
قالولي مين؟؟ده كله مات
صرخت قولت والله عايش
ضحكوا وقالوا
بالسكات؟؟؟
مش باقولك الحكايه م البدايه ملخبطه
وصحيت علي صوت الادان
بيقولي ....اكبر
هو اكبر
من اللي رايح واللي جاي
من اللي عاشق واللي خان
من اللي كان علي ترابك مالوش مكان
!!!
من كل كان وكان وكان
بصيت عليكي لقيت عينيكي
ع الميدان!!!!
وانا هنا؟لسه هنا؟؟
لا يابلادي
لسه ليكي جوه قلبي
ميت مكان
رغم كل كان وكان
تقبليني م البدايه حلم جاي؟
حلم عايش حلم رايح وين مايكون الزمان؟
ولو رفضتي
ادفنيني جوه قلبك
واكتبي علي البيبان
مفيش عزا
ده اللي مات
مش
جبااااااااان
ده كان شهيد للميدان!!!
