خبينى ..جوه قلبك
دفينى ..جوه حضنك
اسقينى ..من حنانك
امسحى دموعى بايدك
فرحينى....
بأبتسامه من شفايفك
أو بنظرة من عنيكى
أو بلمسة من اديكى
بس..نفسى تفرحينى
أو تجينى....
تسألينى ..وأنا أجوبك
ح تقوليلى:بتحبنى؟
راح أرد:آه أحبك
والدليل على حبى ليكى
دق قلبى فى لحظات السكون
وان عقلى يوصفوه بالجنون
وان عينى ما تشوف غيرك بالكون
كل ده...يعنى بحبك
تسألينى:أد ايه...
راح أرد:....
أد كل الكون بحبك
أد حبات المطر
أد أعداد النجوم حول القمر
أد أعداد السمك جوه البحار
أد عمر الدنياوالليل والنهار
تسألينى:...
ممكن حبك ليا ينقص يوم من الأيام
راح أرد:......
لو يوم حبى نقص ما اقدر أنام
وقلبى دقاته تقف
ولسانى يسكت عن الكلام
عقلى ينسانى
وعينى ما تشوف أحلام
يعنى بالمختصر
حبى ليكى هو معنى حياتى
حبى ليكى هو تحقيقى لذاتى
حبى ليكى شىء لا يمكن انساه
حبى ليكى ملك عمرى لمنتهاه
حبى ليكى
يعنى ضحكه من وسط الدموع
حبى ليكى
يعنى للغريب لحظة رجوع
وسط أهله
حبى ليكى
يعنى للجاهل علام...رغم جهله
كل ده .. يعنى بحبك
رغم ابتعادى عن كلام العاشقين
رغم عنادى مع كل الحاقدين
ح أفضل أحبك ...طول العمر
