وانت مافى

انت مافي .



. اي حاجة بتبقى مافي
الشمس تلقاها مافي
والبحر من غير مرافي
والمدن بتكون منافي
والحبيب يبقى جافي
العسل ما ببقى صافي
وانت مافي

انت مافي الروح تفارق
ويبقى موج النيل مفارق
الشروق ينسى المشارق
والنسيم لي الروض يشاهق
والصباح ما ببقى شارق
وانت مافي

انت مافي منو البسالم
ويبقى من الامو سالم
الزمن يصبح مظالم
والحنين يبقى ظالم
وتمسح الأحزان عوالم
تفتح الاحزان عوالم
وانت مافي

انت مافي الناس تغيب
والحبيب ينسى الحبيب
الدمع يصبح قريب
والطبيب ما ببقى طيب
كيف يكون في الدنيا طيب
وانت مافي


اشعار اسحاق الحلنجى

جميله قوى يا استاذ ربيع
فعلا
ما فيش شئ هيكون موجود فى الكون والحبيب مش موجود
تسلم الايادى

يسلم مرورك يا اخت رحاب
لكن فين الالهام فى الرد بالشعر
اوعى يكون الالهام من النظام اياه

***
يا حنين قلبي متين يرتاح
من بحر الريدة وأمواجا
والدمعة معاك تصبح شمعة
والزهرة كمان تلبس تاجا
لو سبت العين تتأمل فيك
ما بتاخد من حسنك حاجة
عينك للريد فيني مبين
يا حنين
***
يا حنين بيك الليل ضوا
رقة وإحساس طيبة وخوة
لو تعرف أصل الريد هو
لا سلطة بتحكمو لا قوة
وآه منو الريد لما يصيبك
بتغلغل في الأعماق جوة
***
يا حنين لما تسيبني تروح
الدنيا وراك تصبح آه
تبقى الأيام غير الأيام
والبهجة بتفقد معناها
أنا ليك بتقطر حنية
بتمنى بسيمتك ألقاها
ألقاها متين أنا ما عارفة إيه رأيك أستاذ ربيع

شكرا للمبدعه الاستاذة غاردينيا
للاختيار الرائع

يا حنين لما تسيبني تروح
الدنيا وراك تصبح آه
تبقى الأيام غير الأيام
والبهجة بتفقد معناها

كلمات بليغه رائعه المعانى

شكرالمرورك العطر