عايز اكون

عايز اكون بهجه ومسره
فى دروب البائسين
وابقى صفقه وغنوه
حلوه تسعد القلب الحزين

** *** **
عايز اكون قُمريه
تشدو ترسل الالحان شجيه
تطرب القلب المعنه
وتفرح الروح الشقيه
تهدى بنواحها وشجونها
وبالجراحات والازيه
لحظه تُنسي الناس
وهى تفنيها الاسيه

** *** **
عايز اكون انا لقمه
طاعمه اشبع المسكين وجائع
قضى يومه يكد ويكدح
ودخله ما رضيان يطاوع
فى الهجير لازم يقاسي
فى الصقيع لازم يصارع
وفى بلاد الغربه عامل فى
المصانع وفى المزارع

** *** **
عايز اكون قمرا بيهدى
يضوى للناس السبيل
نجمه فى افق المسافر
نجمه للتايهين دليل
عايز اكون مشعل بيرشد
يهدى للخير والجميل
ما يهم لو احترقت
او انطفيت وطوانى ليل

** *** **
عايز اكون انا صدر
حانى ابقي للمجروح طبيب
احضن الهايم مشرد
واحضن العايش غريب
واحضن الطفل اليتيم
وابقي زى الام حبيب
...ابقى فى عيونه ابتسامه
وابقى فى ثغره الحليب

** *** **
عايز اكون انا غصن اخضر
غصن يرمز للسلام
غصن من زيتونه اخضر رمز للحب والؤام
غصن زيتون لونه اخضر غصن يشيلو الحمام
واجعل الكون كله اخضر
وكله ..افراح وابتسام


لابن الباديه

جميله اوي اوي استاذنا
عايز اكون انا صدر
حانى ابقي للمجروح طبيب
احضن الهايم مشرد
واحضن العايش غريب
واحضن الطفل اليتيم
وابقي زى الام حبيب
...ابقى فى عيونه ابتسامه
وابقى فى ثغره الحليب
اد ايه مليانه بالعطاء والحب للناس
ذي الملائكه

شكرا يا بريق لاثناءك على اختياراتى
وشكرا لمرورك الدائم

الاستاذ ربيع كلام بمنتهى الروعة سلمت اناملك
ـــــــــــــــــــــــــــــــــــــــــــــــــــــــــــــــ
عايزة اشوف القمر
علشان اقوله وحشتنى

عايزة اطير فى السماء
عايزة افرح

عايزة اكون طفله
عايزة احس انى عايشه

الزمن مش حيوقف
الزمن ماشى ماشى

احنا لازم نتحرك نسبقه
نغلبه.....نكون اقوى

ليه دايما بننكسر بسرعه
ليه بنضعف

ليه دايما دموعنا
تنزل وتحرقنا

عايزة اشوف الدنيا من غير
الم ودموع

جوايا كتير لكن مين يسمع
صوتى انين الحزن

قلبى تعب من الاعذار ليه استنى
عايزة اقول لا وخايفه

ايه ذنبى ان عيونى مكسورة
ايه ذنبى انى اكون خجوله

يسلم مرورك العطر
شكرا لكى

تسلم ايدك
ولاتحرمنا جديدك

شكرا اخى بحر انسنا بمرورك