ضل راجل ولا ضل حيطة

زائر

جلست بعض السيدات فى النادى فتحدثت سيده وبدأت تخطب فى وسط سيدات النادى وقالت :

قالوا : ضل راجل ولا ضل حيطه ... ياختى بلا راجل بلا نيله

1 - عمرك سمعتى عن حيطه بتشخر طول الليل ومتخلكيش تعرفى تنامى.

2 - ولا حيطه تدخل من باب البيت تجعر عايزه الغداء وبعدين تطين عشتك عشان الملح طلع زياده فى الباميه.

3 - ولا ممكن ترجعى البيت فى يوم تلاقى الحيطه بتبوس في الشغاله.

4 - طب شفتى حيطه تملا سقف الشقه دخان والأرض سجاير.

5 - ولا حيطه تصحيكى من النوم فى نصف الليل عشان معرفش ايه طلع فى دماغها.

6 - ولا حيطه تدوخك وراها عشان تشوفيها بتكلم مين فى نص الليل فى التليفون.

7 - طب الحيطه معروف مكانها طول الليل انما المحروس يدوخك وراه عشان تعرفى كان سهران في انه داهيه .... قال ايه عنده شغل :

8 - ولا فى حيطه تحاول تطلعك غلطانه فى كل الكلمه تقوليها عشان تثبت للعيال ان الحيطه بتفهم عينيك.

9 - ولا حيطه تقعد تقولك ماتخرجيش بالفستان ده أحسن اقطعه ولما تطلبى منه فلوس عشان تجيبى فستان غيره يعمل ودن من طين وودن من عجين ...طيب ده حتى الحيطه ليها ودان

يعنى انا عمال بقول المرأة زى التفاحة وانتىتقولى الراجل زى الحيطة بل الحيطة احسن
ع العموم كل الكلام اللى انتى كتبتيه عن راجل فعلا ندل
بس صوابعك مش زى بعضيها
وانا اعرف اتنين رجالة مختلفين عن بعض تماما وعلى فكرة ميعرفوش بعض
موش هقولك على حكايتهم الا بعد ردك عليه فى السؤال ده
يعمل ايه الراجل لو رجع البيت من شغله ولقى المطبخ مليان دخان
واتفاجأ بالطبيخ كل اتحرق واللحمة بقت فحم
وراح يدور على زوجته لقاها نايمة لانها كانت تعبانة شوية
مستنى ردك وبعدين هقولك ع اللى حصل

ههههههههههههههه
فعلا
اثبتى ان الحيطه افضل من الراجل
بس عمرك شفت ست بتخاصم حيطه علشان نسيت عيد الزواج
ولا شفت ست بتصحى حيطه فى عز الليل علشان حاسه ان فيه صرصار فى المطبخ
ولا شفت ست بتجرس حيطه فى العمارة كلها علشان المصروف ما بيقضيش لاخر الشهر

زائر

اخوتي الزمن الجميل ........خالد محمود انتوا زعلتوا ليه ؟؟؟؟؟؟؟؟؟؟؟بس لو الراجل يجيب شغالة لمراته هتنحل المشكلة وتبفوا زي القمر ............. ضل راجل ولا ضل حيطة 110220100000713530

ههههههههه
رد خالد مقنع جدا
خصوصا موضوع الصرصار
لا
ضل راجل احسن بكتيررررررررر

- ولا ممكن ترجعى البيت فى يوم تلاقى الحيطه بتبوس في الشغاله.

فى الحاله دى الشغاله حتبقى انقاض ويلزمها دفاع مدنى

» ظل حائط ولا ذل راجل !!!
» ما تسترجل وتخليك راجل
» ده انا اعرفك من و انت صغير يا راجل
» اضحك....................راجل مسحوب من لسااااااااااااانه
» نواره نجم - بنت بمليون راجل