مش هقول زي غيري مصر التاريخ والحضارة
ولا هقول ارض الامان وتعالي شوف الاماره
انا هقول كلام طالع من القلب للقلب.........
شوفوا مصر بعنيا واحكموا عليا؟؟؟؟؟؟؟؟؟؟؟؟؟
مصر الشباب جدعان وسيبك م الكلام اياه
رجاله ساعه الندا مش فارقه اى حياه
مصر اللي قالت حره والاحتلال جوا وبره
ستات ورجاله مسلم وقبطي هنموت كام مره
مصر اللي حفرت قناه ميتها دم رجاله شقيانه
مصر اللي عبرت كلها سينا شايله الامانه
مصر تقابلها تضحكلك تشكلها تسمعلك
توشوش النيل يناديلك يغنيلك وهي تصقفلك
مصر الجناين مصر الكلام موزون تمام
علما واطبه شعره وجنود نسر السلام
مصر اللي جاي مصر اللي فات ولاايه
بصلها ساعه شروق وقولي شفت ايه
هتقولي شفت الجنه وطيور بتدعي وتتمنا من ربنا
هقولك شفت كلمه الله مكتوبه فوق سما ارضنا
مصر موسي وعيسي ويوسف الصديق
مصر الطيبه والاخلاص واوفا صديق
مصر مش بيت ومصنع ولقمه عيش
ولا ارض مزروعه وكام متحف زمن الطرابيش
مصر الشوارع ضيقه والبيت في وش البيت
كل البيوت اهلك غساله تلاجه بالتقسيط
ديه مصر زي ما شفتها عيني
لوشفت حاجه تانيه ياريت توريني